Bakı. 16 dekabr. REPORT.AZ/ BMT-nin baş katibi vəzifəsinə seçkiqabağı kampaniya başlayıb.
"Report" xarici KİV-ə istinadən xəbər verir ki, BMT Adminstrasiyası başçısının seçilməsi qaydaları ilə bağlı quruma üzv 193 dövlətə məktub göndərilib.
Məlumata görə, Cənubi Koreyanın keçmiş baş naziri, BMT-nin baş katibi Pan Ge Munun səlahiyyət müddəti 2016-cı ildə başa çatır. Onun yerinə seçiləcək şəxs vəzifəsinin icrasına 2017-ci il yanvarın 1-də başlayacaq.
BMT Baş Assambleyasının sədri Moqens Lükketoft bildirib ki, qurumun Baş Assambleyasının keçmiş sədri, Makedoniyadan olan diplomat Srjan Kerim və Xorvatiyanın xarici işlər naziri Vesna Pusiç artıq öz namizədliklərini irəli sürüb.
