Müğənnilərin səhnədə başlarına gələn gülməli hadisələr - sorğu

Müğənnilərin səhnədə başlarına gələn gülməli hadisələr -  sorğu
13:46 4 Yanvar 2016
Ölkə mətbuatı
A- A+

"ATV maqazin onlarla" şou-biznes nümayəndələri arasında sorğu aparıb. Onlar səhnədə başlarına gələn maraqlı hadisələrdən danışıb.

Axşam.az həmin sorğunu təqdim edir:

Əməkdar artist Abbas Bağırov:

"Konsertdən gəlirik, yağış yağır. Təyyarədən düşdük, hamı avtobusda oturub. Birdən Ənvər müəllim (xalq artisti Ənvər Sadıqov - red.) deyir, Samir hardadı? Birdən gördük ki, Samir yağışın altında, çiynində sintezator piyada gəlir. Biz də sürücüyə dedik ki, maşını saxlama, axıra kimi piyada gəlsin".

Müğənni Sevda Sanəliyeva:
 
"Rəqs edəndə necə yıxıldımsa... Durdum yenidən oynamağa davam etdim. Bəziləri gördü, bəziləri isə nə baş verdiyini anlamadı".

Müğənni Ceyhun Əliyev:
 
"Səhnəyə çıxanda şalvarım biədəb şəkildə cırıldı. O anda heç nə fikirləşə bilmədik. Dostlarımdan biri dedi şalvarımı verim. Öz bədən ölçümdə olmayan şalvarı geyinmişdim. Elə bil səhnəyə "kalqotka" ilə çıxmışdım". 

Müğənni Sevda Yahyayeva:

"Gecikmişdim, qacaqaca hamıyla salamlaşırdım. Birdən yıxıldım. Bəzilərinin yazığı gəldi, bəziləridə güldü".

Müğənni Samir Piriyev:

"Bir gün toyda idim oxuyurdum. Biri gəldi "Vurulmuşam" mahnını istədi. Bütün "vurulmuşam" sözü olan mahnıları oxudum. Dedi ki, yox bu deyil. Axırda özümdən oxumağa başladım: "vur-vur vuruldum". Əslində belə mahnı yox idi, özümdən qoşdum. Qayıtdı ki, "Elə bunu istəyirdim də".

Müğənni İlhamə Qasımova:

"Mahnının sözlərini tez-tez unuduram. Ən böyük problemim budur. Bəzən iki sətri təkrar oxumuşam. Fikir verən deyib ki, bu qız nə oxuyur?".

Müğənni Eldar Qasımov:

"Böyük bir festivalda mahnının sözlərini yaddan çıxarmışam. Bilmirəm orada nə oxudum. Həm gülməli, həm də ağlamalı hal idi".

Müğənni İzzət Bağırov:

"Dörd-beş musiqiçi əyləşib, mən də oxuyuram. Birdən insanlar gülməyə başladı. Mən də əsəbiləşirəm. Birdən gördüm ki, musiqiçinin sintizatoru yerə düşüb. Məni pərt etməsin deyə, yerdə oturub çalır".

RƏYLƏR

BU KATEQORİYADAN DİGƏR XƏBƏRLƏR