Keçmiş azərbaycanlı deputata məxsus kafe və restoranlar partladıldı, özü isə itkin düşdü

Keçmiş azərbaycanlı deputata məxsus kafe və restoranlar partladıldı, özü isə itkin düşdü
20:52 19 Fevral 2015
44 Dünya
Ölkə mətbuatı
A- A+

Ukraynanın Donetsk vilayətində keçmiş vilayət sovetinin azərbaycanlı deputatı, iş adamı Məmmədəli Gülməmməd oğlu Qaçayev itkin düşüb.
Donetsk vilayəti Azərbaycanlılar Konqresinin sədr müavini, Krasnoarmeysk şəhəri Azərbaycanlılar Cəmiyyətinin sədri Şahin Bəylərov APA-ya bildirib ki, ötən ay Krasnoarmeysk və Karlovka şəhərlərində Ukrayna vətəndaşı M.Qaçayevə məxsus kafe və restoranlar partladılıb.
 
Bir neçə gün sonra isə iş adamı itkin düşüb, indiyə qədər də ondan xəbər yoxdur.
 
Ş.Bəylərovun sözlərinə görə, əslən Azərbaycanın Salyan rayonundan olan, 70 yaşlı M.Qaçayev 40 ildən çoxdur, Ukraynada yaşayır və ölkənin ilk müstəqillik illərində vilayət sovetinin deputatı olub.
 
Ş.Bəylərov konqresin hadisə ilə bağlı Ukraynanın müvafiq orqanlarına məlumat verdiyini, M.Qaçayevin axtarışının aparıldığını bildirib.

Milli.Az


Xəbərin orijinal ünvanı: http://news.milli.az/world/325588.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR