Bu da yeni fırıldaq: pulumuzu yeyirlər, üzümüzə gülürlər

Bu da yeni fırıldaq: pulumuzu yeyirlər, üzümüzə gülürlər
14:32 22 Fevral 2015
Ölkə mətbuatı
A- A+

Aşkar bahalaşma ilə yanaşı, alıcılar gizli qiymət artımı ilə aldadılırlar

Manatın məzənnəsinin aşağı düşməsilə başlanan aşkar qiymət artımı ilə yanaşı, Bakının mağazalarında gizli qiymət artımı müşahidə olunur.

Anspress-in məlumatına görə, bir sıra böyük mağazalar alıcıları aldadırlar. Belə ki, mağazalar vitrində bir qiymət yazaraq alıcını qiymətin artmadığına inandıraraq kassada hesablamada başqa qiymət vururlar.

Anspress əməkdaşı özü belə hadisə ilə "Favorit" supermarketində rastlaşıb. Uşaq üçün peçenyeni vitrində 3 manat 90 qəpik kimi təqdim edən mağaza kassada bunu 4 manat 20 qəpikdən hesablayır. 1 manat 44 qəpiyə olan üz qırxmaq üçün sabun isə kassada 1 man 90 qəpikdən kompüterə vurulur. Vitrində 70 qəpiyə təklif olunan yuyucu toz 75 qəpikdən hesablanır.

İrəli düşdüklərini zənn edən alıcılar isə aldadılqlarını bilmirlər. Anspress əməkdaşı vitrindəki qiymətlərlə kassaya vurulan qiymətlər arasında fərqin səbəbi ilə maraqlandıqda cavab gülünc olur. Mağaza satıcısı malın digər qiymətin altına sürüşdüyünü desə də, bunun niyə kütləvi şəkildə olduğunu izah edə bilməyib.

İqtisadiyyat və Sənaye Nazirliyi dünənki açıqlamasında bildirmişdi ki, manatın məzənnəsinin dəyişdirilməsi ilə əlaqədar İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən istehlak bazarında baş verə biləcək sui-istifadə hallarının və süni qiymət artımının qarşısının alınması üçün nəzarət tədbirləri daha da gücləndirilib. Nazirlik əmin edirdi ki, nəticələrindən asılı olaraq qanunvericiliyə uyğun tədbirlər görüləcək. Bu gün baş verənlər isə vəziyyətin nəzarətdən çıxdığını göstərir...

Qeyd edək ki, Mərkəzi Bankın İdarə Heyətinin 21 fevral 2015-ci il tarixli qərarı ilə 21 fevral 2015-ci il tarixinə valyuta məzənnələrində dəyişikliklər edilib. 1 avronun rəsmi məzənnəsi 1.19 AZN, 1 ABŞ dollarının rəsmi məzənnəsi isə 1.05 AZN səviyyəsində müəyyən edilib.

Milli.Az


Xəbərin orijinal ünvanı: http://news.milli.az/economy/325999.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR