Bakı. 3 may. REPORT.AZ/ Azərbaycan Dövlət Neft Fondunun (ARDNF) Müşahidə Şurası bir sıra qərarlar qəbul edib.
Fonddan "Report"a verilən nəlumata görə, Müşahidə Şurası ARDNF-in icraçı direktorunun təqdim etdiyi Fondun 2015-ci ildə fəaliyyəti haqqında illik hesabatını, 2015-ci ildə maliyyə fəaliyyəti haqqında müstəqil auditorun (“PWC Audit Azerbaijan” MMC) hesabatını məqbul hesab edib və ARDNF-in 2015-ci il üzrə büdcəsinin icrası layihəsini təsdiq olunmaq üçün dövlət başçısına təqdim olunması barədə qərar qəbul edib.