Aktrisa Nəbahət Çehrə “Yeşilçam”ın 100-cü ildönümü münasibətilə təşkil edilən tədbirdə kino sahəsinin çətinliklərindən danışıb.
Axşam.az-ın “Hürriyət”ə istinadən məlumatına görə, qonaqlarla xatirələrini bölüşən aktrisa “Yeşilçam”da gənc yaşlarından çəkildiyini vurğulayıb:
“Aktrisalığı səhvlər edə-edə öyrəndim. Bizim dövrün aktyorları çox çətin şərtlərlə çalışıblar. Heç vaxt əməyimizin qarşılığını almadıq. Elə olurdu ki, ilə 16 film çəkirdik. İndiki kimi pul da qazanmırdıq. Mən 53 il işlədim, yalnız bir evim var. Ancaq indikilər bir filmə çəkilib maddi cəhətdən azadlığa çıxırlar”.
