Xalq artisti Səməd Səmədov toyların azlığından şikayətlənib.

Axşam.az-ın məlumatına görə, müğənni “Hər şey daxil” verilişində toy qiymətini açıqlayıb:

“Toy olmayan kimi bütün restoran işçiləri mənə yığır ki, sizdə vəziyyət necədir. İnsanların 90 faizi kredit ödəyir. Ona görə də müğənniləri toylara çağırmırlar. Mən toya baha getmirəm. Millətin vəziyyətinə baxıb, onla ayaqlaşıram. Müştəriyə 4 min qiymət deyirəm. Deyirlər 3, 2 minə imkanım var. Mən ona razılaşıram. Evdə oturmaqla nə olacaq? Mənə pul qalmasa da, işçilər evinə çörək apara bilir”.

S.Səmədov ənənəsinə sadiq qalaraq, bu il də Türkiyədə dincələcəyini deyib:

“Hər il mütləq Türkiyəyə getməliyik. İstanbulda, Bodrumda dincələcəyik. Son illər Gürcüstanda da istirahət yaxşı olur. Ora da getməyi düşünürük. Bir də gəlinim Balakəndən, kürəkənim isə Zaqataladandır. Bu bölgələrə də gedəcəyəm”.