İllər əvvəl öldürülən aparıcı və aktrisa Defne Coy Fosterin həyatı filmə çevrilib.
Axşam.az-ın Türkiyə mətbuatına istinadən məlumatına görə, rejissor Aslı Özge Defnenin ölümündən sonra çıxan xəbərlər əsasında ssenari yazıb. "Ansızın" adlı film oktyabrın 14-də təqdim olunacaq.
Filmin baş rollarında məşhur aktyor Sebatian Halk, Culia Yentş və Hans Zişler çəkilib.
Qeyd edək ki, Dəfnə Coy Foster 2011-ci ildə jurnalist Əhməd Altanın oğlu Kərəm Altanın evində dünyasını dəyişib. Tibbi ekspertiza aparıcının “Astma, spirtli içki və dərmanlar səbəbiylə öldüyü” qənaətinə gəlmişdi. Lakin daha sonra K.Altan haqda “D.C.Fosterin ölümünə səbəb olma” ittihamı ilə cinayət işi açılmışdı. Aparıcının anası Xədicə Foster jurnalistin oğlunu vaxtında təcili tibbi yardım çağırmamaqda günahlandırırdı.
