Bakı. 12 oktyabr. REPORT.AZ/ Myanmanın qərbindəki Rakhayn ştatında asayiş keşikçiləri ilə silahlılar arasında baş vermiş toqquşmada 12 nəfər həlak olub.
"Report" xəbər verir ki, bu barədə "France Presse" məlumat yayıb.
Məlumata görə, 200-dən çox silahlı polis bölməsinə hücum edib. Cinayətkarlar hücum zamanı odlu və soyuq silahlardan istifadə ediblər.
Asayiş keşikçiləri ağır döyüşdən sonra silahlıların hücumunu dəf edə və onları qaçmağa məcbur edə biliblər. Bu zaman polis əməkdaşlarından 5-i yaralanıb, 1-i itkin düşüb.
Hüquq-mühafizə orqanları əməkdaşları cinayətkarların 2-i əsir götürüblər. Yerli dövlət strukturları ərazidə komendant saatı tətbiq edib.
