Bakı. 21 oktyabr. REPORT.AZ/ Bu gün futzal üzrə UEFA Kubokunun elit mərhələsinin püşkü atılıb.
"Report"un məlumatına görə, komandalar püşkatma zamanı 3 səbətdə yer alıb.
İkinci səbətdə olan Azərbaycanın "Araz" klubu B qrupunda yer alıb. "Araz" Rusiyanın "Yuqra", Almaniyanın "Hamburq Panters" və Xorvatiyanın "Zaqreb" komandaları ilə mübarizə aparacaq.
Elit mərhələdə 16 komanda çıxış edəcək.
Qeyd edək ki, elit mərhələnin oyunları 22 - 27 noyabrda Xorvatiya, Portuqaliya, Qazaxıstan və Sloveniyada keçiriləcək.