Bakı. 17 noyabr. REPORT.AZ/ ABŞ təyyarəsi İsveçin hava sərhədlərini pozub.
"Report" xəbər verir ki, bu barədə Krallıq Silahlı Qüvvələrinin komandanlığı bəyanat yayıb.
Ölkənin Müdafiə Nazirliyi rəsmilərinin sözlərinə görə, Birləşmiş Ştatlara məxsus təyyarə ölkənin hava məkanına Trelleborq şəhərinin cənubundan daxil olub.
Məlumata görə, təyyarənin bunun üçün heç bir müvafiq icazəsi olmayıb. Həmçinin onun mülki və ya hərbi olması da məlum deyil.
Xatırladaq ki, İsveç bitərəf ölkədir və NATO blokuna daxil deyil.
