Sənət aləminin tanınmış simaları bu dəfə xeyriyyə məqsədiylə keçirilən konsertdə bir araya yığışıblar.
Axşam.az-ın məlumatına görə, onlar talassemiya xəstəliyindən əziyyət çəkən 6 yaşlı Fatimə üçün mahnılar səsləndirblər. Konsertdən əldə olunan gəlir balaca qızın müalicəsinə sərf olunacaq.
Bakı şəhər Mədəniyyət və Turizim İdarəsinin, Azərbaycan Dövlət İqtisad Universitetinin Tələbə Gənclər İttifaqı və Naim xeyriyyə cəmiyyətinin təşkilatçılığı ilə baş tutan tədbirdə əməkdar artist Ədalət Şükürov, müğənnilər Aysel Əlizadə, Nazim Məmmədov, Murad Sadıq, Yaşar Yusub və başqaları mahnılar səsləndirib.
Mərasimin aparıcılığı prodüser Təranə Səmədovaya həvalə olunub.
