"Bu şəhərdə" komandasının "İndi müğənnilərin hamısı yatır. Heç kim maraqlı nəsə etmir. Başları toya qarışıb" kəlməsi səs-küy yaradıb.
Milli.Az axşam.az-a istinadən bildirir ki, tanınmışlar "Xəzər maqazin"ə açıqlamasında komandanın aktyorları, əməkdar artistlər Coşqun Rəhimov və Rafael İsgəndərova cavab veriblər:
Xatirə İslam:
"Demək istəyirlər ki, şou-biznes olmasa, biz də olmarıq?"
Ayaz Qasımov:
"Maraqlı nəyə deyirsiniz, bilmirəm. Adı pozitivlik olan şit hərəkətlərə maraqlı deyirlər. İndi şitliyin adı pozitivlik olub".
Azad Şabanov:
"Obraz da var, hadisə də".
Sevda Yahyayeva:
"Şou-biznes çox maraqsızdır. Bir müğənni olaraq heç mənə maraqlı deyil".
Cin:
"Şou-biznesdə az tip var. Ona görə də onlar parodiya etmirlər".
Günay İbrahimli:
"Məni necə parodiya etsinlər? Dəli-dəli hərəkətlərim yoxdur. Mən buyam. Elza Seyidcahan maraqlıdır, onu da parodiya ediblər".
Zamiq Hüseynov:
"Heç vaxt kiminsə parodiyasına düşmək istəməzdim".
Elçin Cəfərov:
"Məni parodiya etmək çətin olar. Başqa tərəfdən maraqlı olmağa çalışmamışam".
Elton Hüseynəliyev:
"Mən maraqlı nə edə bilərəm? Ancaq oxuya bilərəm. Başqa bir şey göstərə bilmərəm".
Milli.Az
