"Nə qədər çox danışırsansa, o qədər iş görməlisən. Ona görə də biz az danışırıq. Deyirlər, nömrə birəm. Əgər iddialısansa, iş də görməlisən. Boş-boş danışmaqla ki, nömrə birəm, rəqibim yoxdur heç nə olmur. Yalandan deyirlər ki, konsert etdim, 200 min gəlir əldə etdim. Mahnı çıxarmaq, fotosessiya etmək müğənninin borcudur. Bu yenilik, iş deyil".

Axşam.az-ın məlumatına görə, bu sözləri müğənnilər Sevil və Sevinc Səfərova bacıları "Lider maqazin"ə açıqlamasında deyib.

Əkiz bacılar bir müddətdir küsülü olduqları həmkarları Günay İbrahimlinin ünvanına tənqidlər səsləndiriblər:

"Əgər Günayın yerində olmaq istəsəm, demək biz Heydər Əliyev Sarayında konsert vermək istəmirik. Əgər ətrafındakı beş adam sənə ulduz deyirsə, bu o demək deyil ki, sən ulduzsan. O, nə qədər sevilsə də reytinq verməyəcək. O, efirə gəlsə də, tamaşaçı toplaya bilməyəcəm. Özümüzü heç vaxt Günayla bir qoymamışıq, qoymarıq da. Biz o insanla nə dostluq münasibətindəyik, nə də düşmənik. Bizim üçün o bu həyatda yoxdur, onun üçün də yəqin biz. Biz Günay İbrahimlinin yolunu nə başlamaq, nə də bitirmək istəyərik".