Almaniyada 53-cü Münhen Təhlükəsizlik Konfransı başlayıb. Azərbaycan Prezidenti İlham Əliyev konfransda iştirak edir. Bu gün Azərbaycan və Ermənistanın xarici işlər nazirləri Münhendə görüşüb. ABŞ-ın dövlət katibi Reks Tillerson Vaşinqton və Moskva arasında Suriyada hərbi əməkdaşlığın qeyri-mümkünlüyünü dilə gətirib. Rusiya prezidenti Vladimir Putin isə Amerikalı həmkarı Donald Trampa terrorla birlikdə mübarizə aparmağı təklif edib.

Münhen Təhlükəsizlik Konfransında Azərbaycan Prezidenti İlham Əliyev də iştirak edir. Prezidentin sabah Bakı vaxtı ilə saat 20:00-22:00 arası keçiriləcək “Avrasiyada ciddi fikir ayrılıqları” mövzusunda panel müzakirələrində çıxışı nəzərdə tutulub. Konfrans fevralın 19-na qədər davam edəcək.

Qeyd edək ki, konfransa dünyanın müxtəlif ölkələrindən 500-dək rəsmi şəxs qatılıb. Konfransda Donald Trampın ABŞ prezidenti seçilməsindən sonra transatlantik əlaqələr və NATO-nun gələcəyi, təhlükəsizlik və müdafiə sahəsində Avropa əməkdaşlığı, Rusiya ilə əlaqələr, Suriya müharibəsi, Asiya-Sakit okean regionunda təhlükəsizliklə bağlı vəziyyət və informasiya müharibəsi məsələlərinin müzakirəsi nəzərdə tutulur.

İlham Əliyev bu gün Münxen Təhlükəsizlik Konfransı çərçivəsində “Qiymətlərin sabitləşməsinə doğru: OPEC-in qayıdışı və neft geosiyasəti” mövzusunda “dəyirmi masa”da çıxış edib.

Kabus YAXINLAŞIR, üç gün sonra MÜHARİBƏ... – GÜNÜN SİYASİ XÜLASƏSİ

İlham Əliyevin Münxen konfransı çərçivəsində dəyirmi masada çıxışı (YENİLƏNDİ) - FOTO

İlham Əliyevin Münxen konfransı çərçivəsində dəyirmi masada çıxışı.