[ 17 Mart 2015 11:00 ]
Bakı. Fuad Cəfərov – APA. Bakıda dilənçiliklə məşğul olan 3 nəfər saxlanılıb.
Bakı Şəhər Baş Polis İdarəsindən APA-ya verilən məlumata görə, Binəqədi Rayon Polis İdarəsinin 6-cı Polis Bölməsinin, Qaradağ Rayon Polis İdarəsinin və Post Patrul Xidməti Bölüyünün keçirdiyi tədbirlər nəticəsində müvafiq olaraq, paytaxt ərazisində avara və dilənçiliklə məşğul olan bir kişi, iki qadın müəyyən olunaraq barələrində inzibati tədbir görülüb.
