x
Loading...
.

Sağ qalmaq İSTƏYƏNLƏR, ruslar Qarabağı ERMƏNİSTANA... – GÜNÜN SİYASİ XÜLASƏSİ

Sağ qalmaq İSTƏYƏNLƏR, ruslar Qarabağı ERMƏNİSTANA... – GÜNÜN SİYASİ XÜLASƏSİ
20:03 2 May 2017
2923 Digər
Ölkə mətbuatı
A- A+
.

Kremlin ideoloqu kimi tanınan “Beynəlxalq Avrasiyaçılıq Hərəkatı”nın rəhbəri, politoloq Aleksandr Duqin Dağlıq Qarabağ münaqişəsi ilə bağlı fikirləri Azərbaycanda etirazla qarşılandı. ABŞ Ermənistanda parlament seçkilərində pozuntulara cəlb olunan şəxsləri sanksiyalarla hədələyib. Türkiyə prezidenti Rəcəb Tayyib Ərdoğan bu gün Ədalət və İnkişaf Partiyasına (AKP) yenidən üzv olub. ABŞ-ın Koreya yarımadasına hərbi gəmilər göndərməsi və Şimali Koreya ilə qarşıdurmanın güclənməsi III Dünya müharibəsi təhlükəsini gücləndirib. Məsud Bərzani İraqda müstəqil kürd dövlətini qurmağın vaxtı çatdığını deyib. Vladimir Putin və Angela Merkel arasında görüş keçirilib.

Kremlin ideoloqu kimi tanınan “Beynəlxalq Avrasiyaçılıq Hərəkatı”nın rəhbəri, politoloq Aleksandr Duqin Dağlıq Qarabağ münaqişəsi ilə bağlı mübahisəli fikirlər səsləndirib. Duqin dolayısı ilə Kremlin Qarabağla bağlı mövqeyini ifadə edib. Politoloq Qabil Hüseynli Publika.az-a açıqlamasında Duqinin fikirlərini şərh edib.

Kremlin “Duqin dili”: ruslar Qarabağı Ermənistana birləşdirir?

"Avropa diplomatiyasından fərqli olaraq, rus diplomatiysının dili daha açıq, kobud və səmimidir. Niyyət açıqca ifadə olunur və bu niyyətin gücə dayandığı gizlədilmir". Bunu Duqinin Dağlıq Qarabağ münaqişəsi ilə bağlı fikirlərini şərh edən millət vəkili Fazil Mustafaya deyib.

Fazil Mustafa rusiyalı politoloqu YIXIB-SÜRÜDÜ

Ermənistanda parlament seçkilərində pozuntulara cəlb olunan şəxslərin ABŞ hökuməti tərəfindən maliyyələşdirilən proqramlarda iştirakı qadağan ediləcək. Bu haqda ABŞ-ın Ermənistandakı səfiri Riçard Millz 168.am saytına bildirib.

Onun sözlərinə görə, Amerika hökuməti aprelin 2-də keçirilən seçkilərdə rüşvət hadisələri, inzibati resursların tətbiqinin geniş yayılması və seçicilərə təzyiqlər barədə etibarlı xəbərləri alırdı.

ABŞ-dan Ermənistana gözlənilməz HƏDƏ: SARKİSYAN ŞOKDA

Türkiyə prezidenti Rəcəb Tayyib Ərdoğan bu gün Ədalət və İnkişaf Partiyasına (AKP) yenidən üzv olub. Konstitusiyadakı “prezidentin partiyası ilə əlaqəsi kəsilər” maddəsinin aprelin 16-da keçirilən referendumla ləğvi buna imkan verib. 2014-cü il avqustun 10-da ümumxalq səsverməsi ilə (prezident daha əvvəllər parlament tərəfindən seçilirdi –red.) prezident seçilən və Konstitusiyanın tələbi ilə AKP-dən ayrılan Ərdoğan 979 gündən sonra qurucu lideri olduğu partiyasına “Əfsanə geri qayıdır!” şüarı ilə dönüb.

Bu günə qədər açmadığınız müzakirə başlıqlarını açmaqdan başqa çarəniz yoxdur”. Bunu Türkiyə prezidenti Rəcəb Tayyib Ərdoğan Avropa Şurası Parlament Assambleyasının (AŞPA) Türkiyənin postmonitorinq prosesindən monitorinq mərhələsinə salınmasına dair hesabatını şərh edərkən deyib.

“Avropada terror təşkilatlarına hər cür dəstək verilir. Niyə? Türkiyənin qarşısını kəsmək üçün. Bundan sonra edəcəyiniz tək bir şey var: Bu günə qədər açmadığınız müzakirə başlıqlarını açmaq. Başqa çarəniz yoxdur”, - prezident bildirib.

Ərdoğan Fəthulahçı Terror Təşkilatı (FETÖ) ilə mübarizəyə toxunub:

“Yoldaşlarıma söyləyirəm, qarşınıza gələrək göz yaşları tökənlər olacaq. Rəhminiz gəlsə, acınacaqlı hala düşərsiniz. Dünyada dövlət çevrilişinə cəhdin belə bir nümunəsi yoxdur. Bu gerçəyi görmək lazımdır. Məqsəd bu ölkəni bölmək, dövləti çökdürməkdir”.

NATO-nun mayın 24-25-də keçiriləcək sammitindən sonra Türkiyə və Avropa İttifaqı arasında böyük zirvə toplantısı baş tutacaq. Bu haqda Türkiyənin Xarici İşlər naziri Mövlud Çavuşoğlu məlumat verib.

ABŞ-ın Koreya yarımadasına hərbi gəmilər göndərməsi və Şimali Koreya ilə qarşıdurmanın güclənməsi III Dünya müharibəsi təhlükəsini gücləndirib. Yeni dünya müharibəsi təhlükəsi bir çox ölkənin hərəkətə keçməsinə səbəb olub.

III Dünya müharibəsi üçün bu ÖLKƏLƏR HAZIRLIĞA BAŞLADI: insanlar evukasiya edilir - FOTOLAR

Şimali Koreya Amerika bombardmançılarının Cənubi Koreyada təlimlər çərçivəsində həyata keçirdiyi uçuşları şərh edib. Pxenyan Amerika bombardmançılarının uçuşlarını nüvə müharibəsinə təkan adlandırıb.

“Bu, mühakiməsiz hərbi təxribatdır və Koreya yarımadasında vəziyyəti nüvə müharibəsinə itələyir”, - rəsmi bəyanatında deyilir.

Pxenyanda qeyd edirlər ki, ABŞ bombardmançıları Koreya Xalq Demokratik Respublikasının ən əhəmiyyətli obyektlərinə bombaların atılması üzrə təlimlər keçirib.

Amerika bombardmançılarının uçuşları haqqında daha əvvəl Seul bəyanat verib. Cənubi Koreya hökumətindən bildiriblər ki, uçuşlar Koreya Xalq Demokratik Respublikası tərəfindən ballistik raketlərin işə salınmasına cavabın bir hissəsidir.

Venesuelada kəskin siyasi böhran və arası kəsilməyən küçə nümayişlərinin qızğın vaxtında ölkə prezidenti Nikolas Maduro gözlənilməz addım atıb. Dövlət başçısı bazar ertəsi axşam yerli televiziyanın birbaşa yayımında Milli Müəssislər Məclisinin çağırışı haqqında fərmanı imzalayıb.

“İqtisadi müharibədə qələbə üçün bizə ən ali hakimiyyət lazımdır. Mən bütün Venesuela ilə böyük dialoq üçün açıq qapılarla geniş, suveren və konstruktiv prezident komissiyasını yaratdım”, - prezident vurğulayıb.

Maduronun bu addımı Venesuela müxalifətinin praktik olaraq bütün liderləri tərəfindən mənfi qəbul edilib.

Madurodan gözlənilməz addım: Ölkənin taleyini bu qurum həll edəcək

Şimali İrlandiyada Böyük Britaniyadan ayrılıb İrlandiya respublikasına birləşmək haqqında referendumdan müsbət nəticə çıxacağı təqdirdə rəsmi Belfast birbaşa Avropa İttifaqına daxil olacaq. Bu barədə bəyanatı Avropa İttifaqının liderləri yayıblar. Bəyanatda hadisələrin bu cür inkişafı üçün Şimali İrlandiyanın mütləq referendum keçirməsinin tələb olunduğu bildirilib.

Avropa liderlərinin bu cür bəyanat verməsinin əsas təşəbbüskarı İrlandiya Baş naziri Enda Kenni olub. Qeyd edək ki, bundan öncə Avropa İttifaqının liderləri Şotlandiya ilə də bağlı analoji bəyanat qəbul etmişdilər.

Avrasiya İqtisadi İttifaqı (YEAES) xarici dövlətlərin bazarına çıxmaq üçün Minsklə əməkdaşlıqdan istifadə edə bilər. Bu haqda Belarus prezidenti Aleksandr Lukaşenko Minskdə səfirlərin etimadnamələrinin qəbulu zamanı bildirib.

O əlavə edib ki, ölkələr arasında əməkdaşlığın inkişafı indiki qeyri-stabil vəziyyət və görünməmiş çağırışların kontekstində xüsusi əhəmiyyətə malikdir.

Qeyd edək ki, siyasi mütəxəssislər Rusiya prezidenti Vladimir Putinin “Yeni SSRİ-si” adlandırılan Avrasiya İqtisadi İttifaqının gələcəyi haqqında nikbin düşünmürlər. Daha əvvəl ABŞ-ın keçmiş prezidenti Cimmi Karterin milli təhlükəsizlik məsələləri üzrə məsləhətçisi, Vaşinqtonda Beynəlxalq və Strateji Tədqiqatlar Mərkəzinin müşahidə şurasının həmsədri Zbiqnev Bjezinski Rusiyanın Gazeta.ru saytına müsahibəsində ittifaqın ölüm tarixini açıqlayıb.

Lukaşenko “Yeni SSRİ”nin xilaskarı ola biləcəkmi? - TƏKLİF

Suriyanın İdlib vilayətində SSRİ istehsalı olan kimyəvi bombalar istifadə olunduğu ehtimal edilir. Bu haqda “Human Rights Watch” təşkilatı bildirib.

Kimyəvi silah hücumunun edildiyi Xan-Şeyxun şəhərində aparılan araşdırmalar, şəkillər və videoyazıların müəlliflərinin məlumatına görə, sovet istehsalı olan aviasiya bombalarından istifadə olunduğu ehtimal edilir. Bu bombalar xüsusi olaraq zarin qazının çatdırılma üçün hazırlanıb.

Təşkilatın məlumatına görə, söhbət XAB-250 və XAB-500 bombalarından gedir.

Xatırladaq ki, Suriyada kimyəvi silah hücumu aprelin 4-də edilib. Nəticədə 80-dən çox insan ölüb, təxminən 400 nəfər zəhərlənib.

“İraqda müstəqil kürd dövlətini qurmağın vaxtı çatıb”. Bunu İraq kürd regional rəhbərliyinin başçısı Məsud Bərzani Fransanın “Le Figaro” qəzetinə müsahibəsində deyib.

Qonşularla yaxşı münasibətlər qurmaq istədiyini deyən kürd lider müstəqilliyin yeni problemlər yaratmayacağını, əksinə problemlərin həllinə kömək edəcəyini bildirib.

Bərzanidən kürd dövləti AÇIQLAMASI

Rusiya prezidenti Vladimir Putin və Almaniya kansleri Angela Merkel arasında Soçidə görüş keçirilib. Görüşdə Ukrayna və Yaxın Şərqdə vəziyyət, terrorla mübarizə və ikitərəfli münasibətlərin inkişafı müzakirə edilib.

İsveçrə kəşfiyyatının federal xidməti Avropa ölkələrində terror aktları barədə xəbərdarlıq edib. Mayın 1-də isə ABŞ Dövlət Departamenti Avropa üçün səyahət xəbərdarlığını yeniləyib. Qurum terror təhlükəsini əsas gətirərək vətəndaşlarını Avropaya səyahət etməməyə çağırıb.

“Fransa, Rusiya, İsveç, İngiltərədə baş verən terror hadisələri göstərir ki, İŞİD və "Əl-Qaidə" kimi terror qruplaşmaları yenidən hərəkətə keçə bilər”, - deyə açıqlamada bildirilir.

Dövlət Departamenti vətəndaşlarına 1 iyul 2017-ci ilə qədər Avropaya səfər etməməyi məsləhət görür.

Ömər Dağlı


Xəbərin orijinal ünvanı: http://publika.az/news/nida_tehlil/197308.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Loading...

RƏYLƏR

BU KATEQORİYADAN DİGƏR XƏBƏRLƏR