x
Loading...

İdman və akrobatika gimnastikası üzrə Bakı çempionatı və Azərbaycan birincilikləri keçiriləcək

İdman və akrobatika gimnastikası üzrə Bakı çempionatı və Azərbaycan birincilikləri keçiriləcək
14:01 6 İyun 2017
66 İdman
Ölkə mətbuatı
A- A+

Bakı. Trend:

Azərbaycan Gimnastika Federasiyası yerli yarışlar mövsümünə start verir.

Federasiyadan Trend-ə verilən məlumata görə, Milli Gimnastika Arenasında 9-10 iyun tarixlərində kişi və qadın idman gimnastikası üzrə 24-cü Bakı çempionatı və Azərbaycan birinciliyi, həmçinin akrobatika gimnastikası üzrə 24-cü Azərbaycan birinciliyi keçiriləcək.

İki gün davam edəcək turnirdə ümumilikdə 134 gimnast Bakı Gimnastika Məktəbi, Respublika Olimpiya İdman Liseyi, "Ocaq" Sport Klubu, "Neftçi" İdman Klubu, Nizami rayonu İdman Məktəbi, Balakən, Şabran və Sumqayıtı təmsil edəcəklər.

Yarışların ilk günü yeni başlayanlar, balacalar, gənclər, yeniyetmələr və uşaqlar yaş kateqoriyasında yer almış qadın idman gimnastlarının çıxışları ilə başlayacaq.

Daha sonra mübarizəyə akrobatlar qoşulacaq. Gənclər, yeniyetmələr və uşaqlar yaş kateqoriyasına bölünmüş qadın qrupları, qadın cütlükləri, qarışıq cütlüklər və kişi cütlükləri yarış meydançasında öz məharətlərini nümayiş etdirəcəklər. Turnirin ikinci günü də məhz akrobatların çıxışları ilə davam edəcək.

Son olaraq medallar uğrunda öz güclərini kişi idman gimnastları sınayacaq. Gənclər, yeniyetmələr, uşaqlar, balacalar, kiçiklər və balalar yaş qrupunda yer almış idmançılarımızın əzmkar çıxışları ilə yarışlara yekun vurulacaq.


Xəbərin orijinal ünvanı: http://az.trend.az/azerbaijan/sports/2763306.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Loading...

RƏYLƏR

BU KATEQORİYADAN DİGƏR XƏBƏRLƏR