Moskvadan KOMPROMİS ÇAĞIRIŞI, müharibənin ÜÇ SSENARİSİ… - GÜNÜN SİYASİ XÜLASƏSİ
Paylaş
104 baxış·6 dəq oxu
Rusiya XİN-I Dağlıq Qarabağ münaqişəsinin həllindən
danışıb. Rusiya prezidenti Ukraynada dövlət çevrilişinə Avropa və
ABŞ-ın dəstək verdiyini bildirib. ABŞ və Qətər birgə hərbi
təlimlərə başlayır. Qətərə qarşı embarqolar tətbiq edən ölkələrdən
biri olan Misir prezidenti Əbdülfəttah əl-Sisi Türkiyəyə qarşı
qalmaqallı çağırış edib. Yaxın Şərqin xəritəsi yenidən çəkilməyə
başlanıb. Fəthullahçı Terror Təşkilatının (FETÖ) dövlət çevrilişə
cəhdi çərçivəsində aparılan məhkəmə prosesində ilk qərar
açıqlanıb.
Dağlıq Qarabağ münaqişəsinin həllinə Azərbaycan və
Ermənistan rəsmilərinin öz baxışları var. Bunu Rusiya
Xarici İşlər Nazirliyinin rəsmi nümayəndəsi Mariya Zaxarova
keçirdiyi ənənəvi brifinqdə Azərbaycan xarici işlər naziri Elmar
Məmmədyarovun münaqişənin həllində BMT Təhlükəsizlik Şurasının 4
qətnaməsinin əsas götürülməsinin vacibliyini bəyan etməsi ilə bağlı
erməni jurnalistin sualına cavabında deyib.
"Dağlıq Qarabağ münaqişəsinin nizamlanması ilə bağlı format
mövcuddur. Bu, həqiqətən də köhnə problemdir, hansı ki, burada
kompromisin tapılmasına ehtiyac var. Kompromisin axtarılması
tərəflərin mövqelərinin - bir-birinə nə qədər zidd olmasından asılı
olmayaraq - yaxınlaşdırılmasıdır. Hazırkı vəziyyət münaqişənin
həllini tələb edir. Məhz ona görə də son zamanlar təmaslar
intensivləşib. Təmaslar müxtəlif formatlarda keçirilir. Rusiya bu
formatın iştirakçısı kimi kompromisin tapılması üçün əlindən gələni
edir. Əlbəttə istərdik ki, kompromis tez tapılsın, nə qədər tez
tapılsa, bir o qədər yaxşıdır. Ancaq bu kompromis iki ölkənin
xalqının gələcəyinə və əlbəttə ki, Dağlıq Qarabağda yaşayan
insanların gələcəyinə ziyan verməməlidir", - deyə Rusiya XİN-in
sözçüsü bildirib.
“Avropa və ABŞ 2014-cü ildə Ukraynada dövlət
çevrilişini dəstəklədilər”. Bunu Rusiya prezidenti
Vladimir Putin amerikalı rejissor Oliver Stouna müsahibəsində
deyib.
Putinin sözlərinə görə, ukraynalılar ümid edirdilər ki, Avropa
İttifaqının standartlarına istənilən formada birləşmə onları
1990-cı illərdən başlayan və bu günə qədər davam edən alçaldıcı
vəziyyətdən xilas edəcək.
Kreml lideri Ukrayna prezidenti Viktor Yanukoviçin Kiyevdən
qaçdığı barədə Amerika KİV-inin xəbərlərini xatırladıb. Rusiya
dövlət başçısının sözlərinə görə, belə versiyalar dövlət
çevrilişinin dəstəyinə bəraət qazandırmağa xidmət edirdi.
Putinin sözlərinə görə, Amerika kəşfiyyatı Ukraynada baş
verəmləri diqqətlə izləyirdi.
“Onlar ora döşəməni süpürməyə gəlməmişdilər” - ABŞ Putini necə ALDATDI?
Rusiya prezidenti Vladimir Putin amerikalı
kinorejissor Oliver Stouna müsahibəsində bildirib ki, Moskva
Rusiyanın xilafətə çevrilməsinə yol verməyəcək. Bunu
Rusiya prezidenti Vladimir Putin amerikalı rejissor Oliver Stouna
müsahibəsində deyib.
"Bilirsiniz, heç bir dünyəvi din pislik mənbəyi ola bilməz.
İslamda da bir çox istiqamətlər, cərəyanlar var. Burada əsas şiələr
və sünnilərdir. Doğrudan da, biz görürük ki, onların arasında dərin
ziddiyyətlər var. Düşünürəm ki, bu, hər halda nə vaxtsa aradan
qaldırılmalıdır", - deyə Putin bildirib.
Stoun Putindən soruşub: "Bəs Moskva xilafət olacaq?"
"Buna biz heç cürə yol vermərik. Siz baxın, Vaşinqton necəsə
xilafətə çevrilməsin", - deyə prezident bildirib.
Son vaxtlar NATO və Rusiya arasında mümkün müharibə
variantları ilə bağlı silsilə məqalələr dərc olunur və hərbi
oyunlar keçirilir. Hərbi oyunlar NATO üçün
arzuolunmaz nəticələrə gətirib çıxarıb.
Hərbi oyunlara görə, müharibənin ən ehtimal edilən ssenarisi
Rusiyanın Baltikyanı ölkələrə müdaxiləsidir. Nəticədə, sürətli
məğlubiyyətdən sonra ABŞ və onun NATO-dakı müttəfiqlərinin əlində
bir neçə ssenari qalır.
Ekspertlərin çoxu iddia edirlər ki, NATO havada və quruda müasir
texnikanın üstünlüyünə əsaslanaraq genişmiqyaslı müharibədə Rusiya
üzərində qələbə qazanacaq. Amma “Rand” analitik mərkəzi tərəfindən
ötən il keçirilmiş tədqiqatın nəticələri göstərir ki, Rusiyanın
Baltikyanı ölkələrə müdaxiləsi halında NATO fövqəladə çətin
vəziyyətdə olacaq.
Bu ölkələr Rusiyanın NƏZARƏTİNƏ KEÇƏCƏK: Dünyanı məhv edəcək müharibənin ÜÇ SSENARİSİ
“Qərbi Avropa taktik nüvə silahının arsenalını
azaldanda, Rusiya onun müasirləşməsi ilə məşğul
olurdu”. Bu haqda İsveş Müdafiə Tədqiqatları
İnstitutunun məruzəsinə istinadən “Dagens Nyheter” nəşri yazıb.
Qeyd edilir ki, son illər Rusiya nüvə hücumunun simulyasiyası ilə
adi silahın tətbiqiylə təlimlər keçirir.
Putin lokal münaqişədə nüvə düyməsini basacaq – ŞOK MƏRUZƏ
ABŞ-ın iki hərbi gəmisi Qətər sahillərinə
çatıb. ABŞ Qətərlə birgə hərbi təlimlər
keçirəcək.
ABŞ Qətərdə Yaxın Şərqdəki ən böyük hərbi bazalarından birinə
sahibdir.
Digər bir xəbərə görə, Səudiyyə Ərəbistanının rəhbərlik etdiyi
ölkələr tərəfindən embarqolara məruz qalan Qətər ABŞ ilə yeni döyüş
təyyarələri almaq üçün razılaşıb. Vaşinqtonda dünən imzalanan
razılaşmaya görə, Qətər 12 milyard dollar məbləğində 72 ədəd F-15
döyüş təyyarəsi alacaq.
ABŞ razılaşma ilə 42 ştatda 60 min yeni iş yeri açmağı
planlaşdırır. ABŞ Konqresi ötən il 21 milyard dollar dəyərində
təyyarə satışı üzrə müqavilələri təsdiqləyib.
Xatırladaq ki, ABŞ prezidenti Donald Tramp daha əvvəl Qətəri
“terrorizmin sponsor” olmaqda ittiham etmişdi.
Qətərə qarşı embarqolar tətbiq edən ölkələrdən biri
olan Misir prezidenti Əbdülfəttah əl-Sisi Türkiyəyə qarşı
qalmaqallı çağırış edib. Sisi ərəb ölkələrini
Türkiyəyə qarşı embarqolar tətbiq etməyə çağırıb.
Onun sözlərinə görə, Türkiyəyə qarşı embarqolar bu ölkənin
Qətərə verdiyi dəstək dayandırılana kimi davam etməlidir. Təklifin
Bəhreyn kralı Hamad bin İsa Əl-Xəlifə ilə Qahirədə keçirilən
görüşdə səsləndirildiyi bildirilir.
Xatırladaq ki, iyunun 5-də Səudiyyə Ərəbistanı, Misir, Bəhreyn
və BƏƏ Qətərlə diplomatik əlaqələri kəsdiklərini bəyan edib.
Türkiyəyə qarşı ŞOK ÇAĞIRIŞ: Bu ölkəni də...
Yaxın Şərqin xəritəsi yenidən çəkilməyə başlanıb.
Şimali İraq regional kürd müxtariyyətinin başçısı Məsud Bərzaninin
sentyabrın 25-də müstəqillik haqqında referendumun keçirilməsi
barədə qərarı Yaxın Şərqdə çoxları tərəfindən təşvişlə qarşılandı.
Nə baş verir? Rusiyalı ekspert Stanislav Tarasov
Bərzaninin Sevr müqaviləsinin ruhunu diriltdiyini bildirib.
Ərbil hesab edir ki, İŞİD üzərində qələbə qazanılıb və
müstəqilliyin əldə edilməsi üzrə layihənin həyata keçirilməsinin
vaxtıdır. Niyə məhz indi?
Tarasov diqqəti ABŞ prezidenti Donald Trampın kürəkəni və onun
baş məsləhətçisi Cared Kuşnerin aprel ayında bölgəyə səfərinə
diqqət çəkir.
Sevr müqaviləsi dirilir, Ermənistan... - Türkiyə üçün TƏHLÜKƏLİ SSENARİ
ABŞ-ın dövlət katibi Reks Tillerson İranın
regiondakı fəaliyyətindən, nüvə sazişindən və Amerika hökumətinin
İranla bağlı siyasətindən danışıb. Rəsmi Tehranı
sabitliyi pozmaqda günahlandıran Tillerson ABŞ hökumətinin İranın
bölgədəki hegemonluğuna qarşı ilk addımlarını atmağa başladığını
bildirib:
“Bizim İranla bağlı xarici siyasətimiz formalaşmaqdadır və
hələlik prezidentə təqdim edilməyib. Lakin bir şeyi bildirməliyəm.
O da budur ki, bizim İranın bölgədə çaxnaşmanın qızışdırılması
istiqamətində apardığı fəaliyyətindən və rolundan xəbərimiz var.
Tehranın regiondakı hegemonluğunun qarşısını almaq və onun nüvə
silahlarına yiyələnməsinə mane olmaq, bizim Tehranla bağlı
yürütdüyümüz siyasətin əsas təməllərindən biridir.
Bizim siyasətimiz həm də ölkə daxilində İran rejimini dinc
yollarla dəyişdirməyə cəhd göstərən qüvvələrə yardım etmək və
onlara dəstək verməkdir”.
Tillerson öz çıxışında İran rejimini dinc yollarla dəyişdirməyə
cəhd edən daxili qüvvələrin adlarını çəkməkdən imtina edib.
Rusiya prezidenti Vladimir Putinlə ənənəvi ”Birbaşa
xətt” keçirilib. Dövlət başçısı ölkənin
ictimai-siyasi və ictimai-iqtisadi həyatı, həmçinin beynəlxalq
vəziyyətə dair suallara cavab verib.
Putin canlı yayımda o prezidentə SƏSLƏNDİ: "Mavi..." - YENİLƏNDİ
Fəthullahçı Terror Təşkilatının (FETÖ) dövlət
çevrilişə cəhdi çərçivəsində aparılan məhkəmə prosesində ilk qərar
açıqlanıb. Prezidentin baş katibi Fahri Kasırğanın
girov götürülməsi ilə bağlı keçirilən məhkəmədə şübhəlilərin 18-nə
ağırlaşdırılmış ömürlük həbs və əlavə olaraq 12 il həbs cəzası
verilib.
Daha 5-i ömürlük həbs və əlavə olaraq 10 il, Prezident
Mühafizəçiləri Alayının keçmiş komandiri, polkovnik Mühsin Kutsi
Barış isə 12 il həbs cəzasına məhkum edilib.