Qarabağda yeni müharibəyə YAŞIL İŞIQ, İrəvan üçün qaçılmaz SONLUQ... - HƏFTƏNİN SİYASİ XÜLASƏSİ
Paylaş
239 baxış·18 dəq oxu
ATƏT-in Minsk qrupunun həmsədrləri Nyu Yorkda
Azərbaycan və Ermənistan xarici işlər nazirlərinin görüşünün
təşkili üzərində işləyirlər. Ermənistan parlamentinin payız
sessiyasında ölkənin Avrasiya İqtisadi İttifaqından çıxış proseduru
müzakirə edilə bilər. Suriyanın neftlə zəngin olan Deyr-ez-Zor
bölgəsi uğrunda 4 ölkənin amansız mübarizəsi başlayır. ABŞ və PKK
“Əl-Qaidə” bəhanəsi ilə Suriyanın İdlib vilayətini işğal etməyə
hazırlaşır. Koreya Xalq Demokratik Respublikasına (KXDR) çatdırılan
raket kompleksləri ətrafında qalmaqal yaranıb.Sakit
okeanında yerləşən ABŞ-a aid Quam adasına raket zərbəsi endirmək
planını təxirə salıb. Taliban ABŞ ordusunun Əfqanıstandan tamamilə
çıxarılmasını tələb edib. İspaniyanın Barselona şəhərində terror
aktı törədilib.
Azərbaycan, Dağlıq Qarabağ
münaqişəsi
Son günlər Ermənistan Müdafiə Nazirliyinin
nəzarətində olan saytlarda Azərbaycan Ordusu haqqında daxili
auditoriyaya hesablanmış yalan və saxta məlumatlar
yayılır. Bu haqda Azərbaycan Müdafiə Nazirliyinin
mətbuat xidmətindən bildirilib/
Müdafiə Nazirliyindən ermənilərin yaydığı dezinformasiyalara CAVAB
Türkiyə Prezidenti Rəcəb Tayyib Ərdoğan sentyabrın
10-11 tarixlərində Azərbaycana səfər edəcək. Türkiyə
prezidentinin səfəri zamanı hansı mövzuların müzakirə ediləcəyi
açıqlanmayıb.
“Həmsədrlər hər il etdikləri kimi, hazırda BMT Baş
Assambleyası çərçivəsində Nyu Yorkda xarici işlər nazirlərinin
görüşünün təşkili üzərində işləyirlər”. Bu sözləri
ATƏT-in Minsk qrupunun amerikalı həmsədri Riçard Hoqland deyib.
"Biz ümid edirik ki, Azərbaycan və Ermənistan prezidentləri
tezliklə birbaşa danışıqları bərpa edəcəklər" , - deyə o,
bildirib.
R. Hoqland prezidentlərin BMT Baş Assambleyası çərçivəsində
görüşünün planlaşdırılması barədə məlumatı olmadığını söyləyib.
“Qarabağın başının üzərini qara buludlar alıb və
ermənilərin bölgədən çıxarılması perspektivi qaçılmaz
görünür”. Bu barədə erməni siyasi şərhçi Sarkis
Artsruni yazıb.
Onun sözlərinə görə, Azərbaycan Ermənistanı zəiflədən “yorucu
müharibə”ni davam etdirir.
Rusiyanın ermənipərəst “Reqnum” agentliyinin baş
redaktoru, siyasi analitik Modest Kolerov İrəvanın NATO ilə
yaxınlaşmasının böyük səhv olduğundan, Şimal Alyansının
Ermənistanın xeyrinə olmayan məxfi Qarabağ planının mövcudluğundan
danışıb. Ermənistan mediasına açıqlama verən
M.Kolerov İrəvanın Gürcüstanda keçirilən NATO təlimlərinə
qatılmasının sirrini açıb.
NATO-nun Ermənistan üzərindən həyata keçirdiyi MƏXFİ QARABAĞ PLANI
“Moskvada Ermənistanın Gürcüstanda keçirilmiş NATO
təlimlərində iştirakı faktını həzm edə bilmirlər”. Bu
sözləri erməni siyasi şərhçi Sarkis Artsruni yazıb. Ermənistanın
təlimlərdə iştirakının əvvəlcədən Moskva ilə uyğunlaşdırılmasını
istisna etməyən şərhçi bununla belə hesab edir ki, vəziyyət
Rusiyaya qarşı ABŞ-ın yeni sanksiyaları və ABŞ-ın vitse-prezidenti
Maykl Pensin Gürcüstana səfəri fonunda kəskin dəyişib.
Rusiya İrəvanı cəzalandırır: Moskvadan Qarabağda yeni müharibəyə YAŞIL İŞIQ
Erməni siyasi şərhçi Sarkis Artsruni Vaşinqton və
Moskvadan verilən bəyanatları “soyuq müharibə”nin nəticəsi hesab
edir. Onun sözlərinə görə, Rusiya-Amerika “soyuq
müharibə”sinin soyuq küləkləri gec-tez Dağlıq Qarabağa qədər
çatacaq.
“Bu, Qarabağda gec-tez baş verəcək” - Moskvanın planı erməniləri ŞOKA SALDI
Ermənistan
Ermənistanda sağlamlığında ciddi problemlər olan
gəncləri orduya çağırırlar. Bu barədə Helsinki
Vətəndaş Məclisinin Vanadzor ofisi məlumat yayıb. Məlumata görə,
son zamanlar belə halların artması müşahidə olunur.
38 erməni əsgər öldürüldü, İrəvan əlilləri ORDUYA TOPLAYIR: düşmən ölkədə ÇAXNAŞMA
Ermənistanda anti-Rusiya əhval-ruhiyyəsi pik həddə
çatıb. Bu barədə erməni politoloq, şərqşünas Karine Qevorqyan
deyib. Onun fikrincə, Rusiyanın Ermənistanda
aktivliyi azdır, əvəzində Qərb onun yerini doldurur: “Ermənistanda
bir çox fondlar və siyasətçilər ABŞ tərəfdarı kimi çıxış edir. Bu
halda Amerikadakı erməni icmasının da rolu böyükdür. Bu gün
Ermənistan Maydan dövrünün Ukraynasını xatırladır”.
Kəşfiyyat düşmən ölkəyə girdi: Putin İrəvana ordu yeridə bilər – Ermənistanda SİYASİ DÖYÜŞ
Ermənistan Rusiya orbitindən çıxaraq, mərkəzdənqaçma
siyasətinə üz tutur. Bu ölkənin xarici işlər nazirinin müavini
Savarş Koçaryanın “Azadlıq” radiosunun erməni xidmətinə
müsahibəsində səsləndirdiyi fikirlər İrəvanın gələcək siyasətinə
dair ehtimallar irəli sürməyə imkan verir.
S.Koçaryan deyir ki, Ermənistan heç bir ölkəyə bel
bağlamamalıdır: “Biz müxtəlif dövlətlər, güc mərkəzləri və
beynəlxalq təşkilatlar arasında diversifikasiya edəcəyik”.
Ermənistanda qiyam, Qarabağda müharibə... - MƏXFİ MƏLUMATLAR YAYILDI
Ermənistan parlamentinin “Yelk” fraksiyasından olan
deputatları payız sessiyasının gedişatında Avrasiya İqtisadi
İttifaqından çıxış prosedurunu təklif etməklə
hədələyirlər. Bu haqda Ermənistanın “Lragir” nəşri
yazıb.
Respublika Partiyasının parlament fraksiyasının lideri Vaqram
Baqdasaryan bildirib ki, Ermənistanda Avrasiya İqtisadi
İttifaqından başqa alternativlər yox idi. Siyasi şərhçi Naira
Ayrumyan isə hesab edir ki, əslində Ermənistanda alternativ var idi
və Azərbaycan kimi bloklara qoşulmamaq prinsipi ilə hərəkət edə
bilərdi.
“Putin həmin gecə Sarkisyana dedi ki...” - Ermənistan PAYIZI GÖZLƏYİR
Türkiyə, İran, Yaxın Şərq
ABŞ Türkiyəni içəridən vurmağa
hazırlaşır. Bu sözləri “Yeni Şəfəq” qəzetinin köşə
yazarı Yusif Qaplan yazıb. O, “Diqqət! ABŞ Türkiyəyə quyu qazır”
başlıqlı yazısında ABŞ-ın YPG terror təşkilatına silah yardımı
etməsini xatırladaraq, Türkiyəni içəridən çökdürməyə çalışdıqlarını
bildirib.
“Amerika rəhbərliyi gözümüzün içinə baxa-baxa YPG-yə xeyli
silah, tank göndərir. Körfəzdən Aralıq dənizinə qədər bir dəhliz
yaratmağa və PKK dövləti qurmağa çalışırlar. Əgər belə bir şey
olsa, Türkiyə parçalanacaq və vətəndaş müharibəsinin beşiyinə
çevriləcək”, - yazıda qeyd edilib.
ABŞ və PKK “Əl-Qaidə” bəhanəsi ilə Suriyanın İdlib
vilayətini işğal etməyə hazırlaşır. Ankarada isə
Türkiyə-Rusiya-İran birgə əməliyyatı müzakirə edilir.
İran Silahlı Qüvvələrinin baş qərargah rəisi general Məhəmməd
Baqirinin Ankaraya səfərində İdlib mövzusu hərtərəfli müzakirə
edilib.
Masada olan plan Rusiya və İran əsgərlərinin cənubdan,
Türkiyənin isə şimaldan irəliləyərək İdlibi “xarici ünsürlər”dən
təmizləyərək nəzarət altına alınmasını nəzərdə tutur. Planın həyata
keçirilməsi istiqamətində ilk addımların atıldığı bildirilir.
ABŞ-a qarşı Türkiyə-Rusiya-İran ittifaqı: Həlledici DÖYÜŞ BAŞLAYIR
Türkiyə 15 iyul 2016-cı il dövlət çevrilişinə cəhddə
əsas şübhəlilərdən biri hesab edilən Adil Öksüzlə əlaqədar
Almaniyaya nota verib. Almaniya Xarici İşlər
Nazirliyinə verilən notada Adil Öksüzün Almaniyada olması barədə
xəbərlərin araşdırılması və ölkədə olduğu müəyyən ediləcəyi halda
tutularaq Türkiyəyə ekstradisiya edilməsi istənilib.
ABŞ-ın silah-sursat və hərbi təlimlə dəstək verdiyi
PYD (PKK terror təşkilatının Suriya qanadı –red.) Suriyanın
şimalındakı “Fərat Qalxanı” bölgəsinə hücum etməsi üçün yeni bir
təşkilat qurub. 14 avqust 2017-ci il tarixində
Tel-Abyadda qurulan “Kuvvet-i Suvvar” bölgədə olan qüvvələrə döyüş
elan edib.
ABŞ təşkilata on minlərlə döyüşçünün qatılması barədə təlimat
verib. Təşkilatın məqsədi isə bölgədə olan Türkiyə Silahlı
Qüvvələri və Azad Suriya Ordusunu hədəf almaqdır.
ABŞ-ın təlimatı ilə bütün cəbhələrdə... - Türkiyəyə müharibə ELAN ETDİLƏR
Avropa İttifaqı Almaniyanın təşəbbüsü ilə Türkiyəyə
ayrılan maliyyə yardımlarını azaltmağı düşünür.
Diplomatik mənbələrin yaydığı məlumata görə, Türkiyəyə 2014-2020-ci
illər arasında təxminən 4 milyard 450 milyon avro məbləğində yardım
etməyi planlaşdıran Avropa İttifaqı son hadisələrdən sonra bu
məbləği azaltmaq niyyətindədir. Qurum bu məsələni növbəti aylarda
müzakirə edəcək.
ABŞ prezidenti Donald Trampın Səudiyyə Ərəbistanına
səfəri zamanı (mayın 20-də -red) Ər-Riyadla apardığı danışıqların
bəzi detalları ortaya çıxıb. Ər-Riyadda danışıqlar
masasında Türkiyənin Suriya tənliyindən tamamilə çıxarılması
müzakirə edilib.
Xəbərə görə, ABŞ nümayəndə heyəti “suriyalı müxalifətlə
Türkiyənin bütün əlaqələri kəsilməlidir” şəklində təlimat verib.
Bundan başqa, mərkəzi İstanbulda yerləşən Suriya Müxalif və
İnqilabçı Qüvvələr Milli Koalisiyası (SMDK) ilə Qaziantepdə
fəaliyyət göstərən Suriya müvəqqəti hökumətinin Türkiyədən
çıxarılması da danışıqların gündəliyində olub.
Suriya müxalifətinin rəhbərliyinin Ər-Riyada köçürülməsi,
müxalifətə silah və lojistik dəstək mövzusunda İordaniya və Misirə
daha effektiv rolun verilməsi razılaşdırılıb.
Səudiyyəli səlahiyyətlilər isə ABŞ-dan İranın
Tehran-Bağdad-Dəməşq-Beyrut şiə dəhlizinə qarşı dəstək istəyib.
“Mərmərə dənizində yaxın gələcəkdə gücü yeddi baldan
daha yüksək olan zəlzələ baş verəcək”. Bunu Boğaziçi
Universiteti Kandilli Rəsədxanası və Zəlzələ Araşdırma İnstitutunun
rəhbəri Haluk Özener deyib.
Qeyd edək ki, bu, ilk analoji xəbərdarlıq deyil. Daha əvvəl
Yıldız Texniki Universitetinin professoru, geoloq Şükrü Ərsoy
bildirib ki, on beş il ərzində Mərmərə dənizi üçün ən böyük ssenari
7,7 bal gücündə bir zəlzələnin baş verməsidir.
“İstanbulda ən azı 145 min insan öləcək” - Qorxunc proqnoz TƏKRARLANDI - VİDEO
Suriya BMT Təhlükəsizlik Şurasını və BMT-nin baş
katibini ölkə ərazisində fəaliyyət göstərən ABŞ-ın başçılıq etdiyi
beynəlxalq koalisiyanı buraxmağa çağırdı. Bu haqda
Suriyanın BMT-dəki daimi nümayəndəsi Bəşər Cəfərinin məktubunda
deyilir.
Suriyalı diplomat qeyd edib ki, ABŞ-ın başçılıq etdiyi koalisiya
öz hərəkətləri ilə Suriya xalqına qarşı kampaniya aparan terror
qruplarına kömək edir. Onun sözlərinə görə, koalisiyanın üzvləri
özlərinin rəsmi bəyanatlarında terrorizmlə mübarizə bəhanəsi ilə
edilən hərəkətlər nəticəsində minlər uşaq və qadının öldürüldüyünü
etiraf ediblər.
Bəşər Əsəd rejimi Türkiyənin Hatay vilayətini Suriya
torpağı olaraq təqdim edib. Əsəd generallarının
İranın dəstəklədiyi şiə milisləri ilə birgə keçirdiyi müzakirələrdə
masa üzərindəki xəritə diqqət çəkib. Xəritədə Türkiyənin Hatay
vilayəti Suriya torpağı olaraq göstərilir.
“Yeni Şəfəq”in köşə yazarı İbrahim Karagül isə Suriyadakı oyuna
diqqət çəkib.
Düşmən generallarından ŞOK ADDIM: bu bölgənin İŞĞAL PLANINI CIZDILAR - FOTO/VİDEO
Kürd muxtariyyətinin müstəqilliyi ilə bağlı
keçirilməsi nəzərdə tutulan referendum böyük problemlərə yol aça
bilər. Bu sözləri Türkiyə Xarici İşlər naziri Mövlud
Çavuşoğlu deyib.
“Hazırda İraqda xeyli problem var. Ölkənin bu vəziyyətində
müstəqilliklə bağlı referendum keçirilsə, bu, vətəndaş müharibəsinə
səbəb ola bilər”, - Çavuşoğlu bildirib.
Şimali İraq kürd muxtariyyəti sentyabrın 25-də
keçirilməsi planlaşdırılan referendumun təxirə salınması üçün
şərtlərini açıqlayıb. İraq mərkəzi hökumətin
nümayəndələri ilə görüşdə irəli sürülən şərtlər, məlumata görə,
kürd muxtariyyətinin irəli sürdüyü şərtlər aşağıdakılardır:
- “Kürdüstan” bölgəsinə ayrılan büdcə vəsaitinin
göndərilməsi
- İraq Konstitusiyasının 140-cı maddəsinin tətbiq olunması
(Kərkük başda olmaqla mübahisəli bölgələrin statusunun müəyyən
edilməsi)
- Kürdlərin İraq hökumətində azaldılan yerlərinin geri
verilməsi
- İraq ordusunda kürdlərin sayının artırılması.
Ərbil sözügedən şərtlərin Bağdad tərəfindən qəbul ediləcəyi
halda referendum bir neçə aylığa, müəyyən bir tarixə qədər təxirə
salınacağını bildirib.
Suriya prezidenti Bəşər Əsədi mühakimə etmək üçün
kifayət qədər sübutumuz var. Bu sözləri BMT-nin
Suriyada insan hüquqlarının pozulmasının təhqiqatı üzrə müstəqil
beynəlxalq komissiyasının üzvü Karla del Ponte deyib.
Suriyanın neftlə zəngin olan Deyr-ez-Zor bölgəsi
uğrunda 4 ölkənin amansız mübarizəsi başlayır.
ABŞ-PKK ittifaqı ilə eyni vaxtda İran, Rusiya və Suriya İŞİD-in
nəzarətində olan bölgədə hərbi güc toplayır.
Ölkənin neft və təbii qaz ehtiyatlarının 95 faizi Haseke, Rakka
və Deyr-ez-Zor bölgələrində yerləşir. Deyr-ez-Zor isə Suriyanın ən
böyük təbii qaz və neft ehtiyatlarına sahibdir.
Suriyanın Haseke vilayətinin Qamışlı mahalında ABŞ və Səudiyyə
Ərəbistanı kəşfiyyatının lideriliyi ilə iyunun 10-da keçirdiyi
toplantı da bölgənin nə qədər əhəmiyyət daşıdığını göstərir.
Neft uğrunda amansız müharibə başlayır: Dörd ölkə ÜZ-ÜZƏ
Terrorçuların ələ keçirilmiş anbarlarından tapılan
zəhərli maddələri onlara ABŞ və Böyük Britaniya
çatdırıb. Bu barədə Suriya Xarici İşlər nazirinin
müavini Feysal Miqdad informasiya verib.
ABŞ sanksiyaları genişləndirməkdə davam edərsə, İran
sayılı saatlarda nüvə proqramı üzrə razılaşmadan çıxa
bilər. Bunu İran prezidenti Həsən Ruhani deyib.
Moskva isə hesab edir ki, İranın nüvə razılaşmasından çıxmaması
üçün diplomatlar dərhal işə başlamalıdır, əks halda toplar
danışacaq.
İran yaxın saatlarda... – Moskva müharibə ANONSU VERDİ
Səudiyyə Ərəbistanının vəliəhd şahzadəsi və müdafiə
naziri Məhəmməd bin Salman Yəmən müharibəsindən çıxmaq
istəyir. Bu haqda iki amerikalı diplomatın mediaya
sızan məktublarında deyilir.
Səudiyyə şahzadəsi 2015-ci ildə Yəməndə ərəb koalisiyasının
başladığı “Qətiyyətli fırtına" əməliyyatının əsas
təşəbbüskarlarından biri idi. ABŞ-ın İsraildəki keçmiş səfiri
Martin İnduk və BƏƏ-dəki səfiri Yousef Otaiba arasındakı elektron
yazışmalara görə, “praqmatik lider” adlandırılan şahzadə Yəməndən
çıxmaq istəyir.
Qeyd edək ki, Yəməndə şiə husilərə qarşı ərəb koalisiyasının
əməliyyatı 2015-ci ildə başlanıb. 27 milyon əhalisi olan Yəməndə
iki ildir ki, milyonlarla adam aclıq təhlükəsi ilə yaşayır.
Koreya böhranı
“Vaşinqton Pxenyanla danışıqlar aparmağa hazırdır və
rejimin dəyişməsində maraqlı deyil”. Bu haqda ABŞ-ın
dövlət katibi Reks Tillerson və Müdafiə Nazirliyinin başçısı Ceyms
Mettisin “Wall Street Journal” qəzetində dərc edilmiş birgə
məqaləsində deyilir.
Eyni zamanda bildirilir ki, Şimali Koreya probleminin həllinin
diplomatik vasitələri “hərbi variantlarla” möhkəmləndirilib.
“Müharibə və yoxsulluq, yoxsa...” - Vaşinqton seçim etməyi TƏLƏB ETDİ
Şimali Koreyanın hədəflərini vura biləcək nüvə
başlıqlı raket bir-iki ilə hazır olacaq. Bu sözləri
yerli televiziyalardan birinə danışan Cənubi Koreya Müdafiə naziri
Suh Çoo-Sok deyib.
Cənubi Koreya müdafiə naziri Şimali Koreyanın raket sınaqlarına
davam etməsini gözlədiklərini, lakin real müharibə təhdidini
görmədiklərini bildirib.
Şimali Koreya qitələrarası raketlərin
müvəffəqiyyətli sınaqlarını Ukraynada istehsal edilmiş güclü raket
mühərriklərinin qara bazar vasitəsilə alınması nəticəsində keçirə
bilib. Bu haqda Beynəlxalq Strateji Tədqiqatlar
İnstitutunun eksperti Maykl Yellemanın analizinə istinadən “New
York Times” nəşri yazıb.
Belə mühərriklərin istehsalı keçmiş SSRİ ərazisində yalnız bir
neçə zavodda həyata keçirilirdi.
Maydan Pxenyana niyə faydalı oldu? - Koreya böhranında sirr pərdəsi AÇILIR
Ukrayna Milli Təhlükəsizlik və Müdafiə Şurasının
katibi Aleksandr Turçinov informasiyanı təkzib edib.
O bildirdi ki, Ukrayna hərbi sənaye kompleksi Şimali Koreyaya hər
hansı silah və hərbi texnologiyalar çatdırmayıb.
Kiyev Ukrayna raket mühərriklərinin KXDR-ə
ötürülməsində Rusiyanı ittiham edib. Ukrayna Dövlət
Kosmik Agentliyinin sədrinin vəzifələrini icra edən Yuri Radçenko
brifinqin gedişatında bildirib ki, Rusiya mütəxəssisləri “Siklon-2”
və “Siklon-3” raketlərini sökərək onların içində olan Ukrayna
istehsalı raket mühərriklərini Şimali Koreyaya çatdıra bilərdi.
Mühərrikləri Şimali Koreyaya Rusiya çatdırıb? - ŞOK İDDİA
Koreya Xalq Demokratik Respublikası Sakit okeanında
yerləşən ABŞ-a aid Quam adasına raket zərbəsi endirmək planını
təxirə salıb. Bu haqda Koreyanın Mərkəzi Teleqraf
Agentliyi (KCNA) rəsmi mənbələrə istinadən yazıb.
Məlumata görə, Şimali Koreya ordusunun təqdim etdiyi planları
qiymətləndirən dövlət başçısı Kim Çen In zərbə planını təxirə
salıb.
Qeyd edək ki, Quam adasındakı Anderson hərbi hava bazası ilə
Şimali Koreya arasında 3400 kilometr məsafə var. Daha əvvəl yayılan
məlumata görə, zərbə planında Quam adasına 4 raket zərbəsinin
endirilməsi nəzərdə tutulub.
ABŞ və Şimali Koreya arasında sülh yaranma ehtimalı
var. Bu sözləri jurnalistlərə açıqlamasında ABŞ
Silahlı Qüvvələrinin Baş Qərargah rəisi Cozef Danford deyib. Pekinə
səfər edən Cozef Danford problemin hərbi yolla həllinin qorxunc
olduğunu bildirib.
“Hazırda əlimizdə bir çox seçim var. Amma məsələni sülh yolu ilə
həll edə biləcək gücdəyik”, - Cozef Dunford deyib.
ABŞ Cənubi Koreyada Şimali Koreya təhdidinə qarşı
“Patriot” təkmilləşdirilmiş raket əleyhinə kompleksləri
yerləşdirib. Cənubi Koreyanın KBS telekanalının
məlumatına görə, ABŞ-ın Hava Hücumundan Müdafiə qoşunlarının Cənubi
Koreyada olan 35-ci briqadası “Patriot” yeni raket komplekslərini
alıb. Səkkiz ay ərzində təkmilləşdirilən yeni komplekslər artıq
sınaqdan keçirilib.
ABŞ, Rusiya, Çin, Qərb-Rusiya münasibətləri
ABŞ Prezidenti Donlad Tramp tərəfindən səlahiyyətinə
xitam verilən Ağ Evin keçmiş rabitə direktoru Entoni Skaramucci
prezident haqqında ortaya ağlasığmaz iddialar atıb.
O, Ağ Evdəki bəzi qüvvələrin Trampı devirməyə çalışdığını
açıqlayıb.
Skaramucci prezidentin ətrafında çox az “sadiq” adam olduğunu da
vurğulayıb.
ABŞ xüsusi xidmət orqanları Rusiya prezidenti
Vladimir Putin və onun ətrafı haqqında fəal şəkildə dəlil toplamağa
başlayıb. Bunu Rusiya prezidentinin 2018-ci ildə
növbəti dəfə prezident seçilmə imkanını şərh edən hərbi ekspert
Aleksey Arestoviç “Apostrof” nəşrinə müsahibəsində deyib.
Onun sözlərinə görə, toplanan dəlillər Rusiyada prezident
seçkilərindən bir neçə gün əvvəl (Rusiyada növbəti prezident
seçkiləri 2018-ci martında keçirilməlidir – red.) elan
ediləcək.
ABŞ-ın milli təhlükəsizlik xidmətlərinin əməkdaşları
sabiq prezident Barak Obama administrasiyasına Rusiyanın planları
barədə xəbərdarlıq edirdilər. Bu haqda bir sıra
indiki və keçmiş məmurlara istinadən “Politico” qəzeti yazıb.
Məmurlar bildirib ki, 2014-2016-cı illərdə edilən
xəbərdarlıqlara görə Kreml kəşfiyyat əməliyyatlarını aktivləşdirir
və saxta şəbəkələr yaradır. Obamaya bildirilib ki, Moskva bunlardan
ABŞ-ın siyasi sistemini dağıtmaq üçün istifadə etmək niyyətindədir.
Amma Barak Obama administrasiyası Rusiyada bunun üçün imkanların
olduğuna inanmayıb.
Rusiya Ukraynada strateji müvəffəqiyyətsizlikdən
sonra Avropa ölkələrində destabilizasiya cəhdlərinə təşəbbüs
edəcək. Bu haqda ABŞ Mərkəzi Kəşfiyyat İdarəsinin
(CİA) kölgəsi hesab olunan “Stratfor” kəşfiyyat-analitik mərkəzinin
materialında deyilir.
İlk növbədə, Kremlin zərbəsinə Baltikyanı ölkələr, həmçinin
Balkan, Mərkəzi və Cənubi Avropa dövlətləri tuş gələcək. Kəşfiyyat
vurğulayır ki, Rusiyanın hibrid döyüşləri qarşısında Baltikyanı
ölkələr ən zəif halqadır.
Rusiyanın növbəti qurbanları: ABŞ kəşfiyyatı ÜÇ CƏBHƏNİ AÇIQLADI
Böyük Britaniya və ABŞ Rusiyanın dağıdılmasını
nəzərdə tutan gizli strateji plana malik idi. Bu
haqda Böyük Britaniyanın MI6 (Military Intelligence, Section 6)
kəşfiyyat xidmətinin sabiq başçısı Con Skarlett “The Guardian”
nəşrinə müasahibəsində danışıb.
Onun sözlərinə görə, xarici dövlətlər üç ardıcıl addımı atmağa
hazırlaşırdı.
Rusiyanın dağıdılması üçün ÜÇ ADDIM: Putin MI6 və CİA-nın gizli planını necə DƏFN ETDİ?
“Qərb-2017” hərbi təlimlərdə iştirak edəcək birinci
Rusiya əsgərləri artıq Belorusa gəliblər. Amma Qərbin
həyacan siqnalı çoxdan çalınıb. Planlaşdırılmış birgə
Rusiya-Belarus təlimləri regionda güclü qorxu yaradıb. Ukrayna,
Polşa, həmçinin Baltikyanı ölkələr özlərini təhdid altında hiss
edir. Amma Moskvanın məntiqinə görə bu təlimlər lazımdır, çünki
Moskva NATO təhlükəsini yenidən görür.
Putin buranı ələ keçirərsə.... - Yüz minlik qoşunla HÜCUM HAZIRLIĞI
Hərbi ekspert Yuri Butusov isə “Senzor.net” saytında
müdaxilə üçün hazırda hərbi-siyasi ilkin şərtlərin yaranmadığını
yazıb. O Rusiyanın hərbi müdaxiləsinə imkan verməyən
4 əsas faktoru göstərib.
“Burada ətçəkən olacaq" - Məğlubiyyət üçün DÖRD FAKTOR
Rusiya Federal Təhlükəsizlik Xidməti (FTX) İŞİD
terror qruplaşmasının üzvlərini saxlayıb. Terrorçular
paytaxt Moskvada nəqliyyatın obyektləri və böyük ticarət
mərkəzlərində terror aktlarını planlaşdırırdılar.
Tutulanlardan biri İŞİD-in emissarı, partlayıcı qurğuların
istehsalı üzrə mütəxəssis və terror aktlarının hazırlığı üzrə
kuratordur. Digər iki terrorçunun isə kamikadze olduğu
bildirilir.
Qeyd edilir ki, terror qrupu Rusiya və Mərkəzi Asiya
dövlətlərinin vətəndaşlarıdır.
“ABŞ Çinlə iqtisadi müharibə aparır”.
Bunu ABŞ prezidentinin əsas strateji məsləhətçisi Stiven Bennon
deyib.
Bennon həmçinin qeyd edib ki, ən yaxın 25-30 il ərzində iki
dövlətdən biri hegemon olacaq. Ağ Evin strateqi həmçinin Amerika
hakimiyyətini xəbərdar edib ki, ABŞ bu yolda ilişərsə, Çin dünya
lideri olacaq.
“ABŞ uduzmağa davam edərsə, heç vaxt özünü bərpa edə
bilməyəcək”, - o əlavə edib.
Siyasi ekspertlər və konsultantlar Assosiasiyasının
üzvü, politoloq Kiril Koktış hesab edir ki, ABŞ və Çin arasındakı
iqtisadi müharibədən qazanan tərəf Hindistan ola
bilər. “İki süper iqtisadi subyektin toqquşmasında
üçüncü oyunçu qalib gəlir. O toqquşmada iştirak etmir və toqquşma
nəticəsində “yandırılmış əraziləri” tutaraq qazanan tərəf olur.
Məsələn, Hindistan”, - Koktış bildirib.
O əlavə edib ki, Çin və ABŞ-ın iqtisadi qarşıdurması artıq on il
sonra bitə bilər: “Daha sonra Vaşinqton Pekinin öhdəsindən gəlmək
şanslarına malik olmayacaq”.
Ukrayna
ABŞ-ın öldürücü silahları artıq Ukraynaya
çatdırılıb. Bu haqda hərbi jurnalist Yuri Butusov
Feysbuk səhifəsində yazıb.
Onun sözlərinə görə, 12,7 millimetr kalibrli “Barrett” M82 və
M107snayper tüfəngləri partiyasının çatdırılmalarından sonra
Ukrayna Silahlı Qüvvələri və Milli Qvardiya PSRL-1 əl
qumbaraatanlarını alıb.
Rəsmi Moskva ABŞ-ın Ukrayna silah verəcəyi halda Donbas
münaqişəsinin daha da gərginləşəcəyini dəfələrlə bəyan edib. Hətta
ötən il Rusiya ABŞ-ın Ukrayna ordusuna silah verəcəyi təqdirdə
Kiyevi hücumla hədələyib.
Vaşinqton Moskvanın hədəsinə qulaq asmadı - Kiyevə hücum başlanacaq!
Ukrayna xüsusi xidmət orqanları Krımda silsilə
təxribatlar törətməyə hazırlaşır. Bu sözləri Krım
hökumətinin rəsmisi Zaur Smirnov deyib.
Onun sözlərinə görə, xüsusi xidmət orqanları seçilmiş şəxslər
vasitəsi ilə krımlıları etiraz nümayişləri keçirməyə və onları
piketlərə getməyə təşviq edir.
“Etibarlı mənbələrdən əldə etdiyimiz məlumatlara görə, Ukrayna
xüsusi xidmət orqanları fəaliyyətləri Rusiyada qadağan olunmuş
təşkilatlar vasitəsi ilə Krımda silsilə təxribatlar törətməyə
hazırlaşır”, - Smirnov bildirib.
Smirnov əhalini bu tip provakasiya xarakterli addımlardan
qorunmağa çağırıb.
Kiyev Dnestryanı ərazinin zəbt edilməsini
planlaşdırır. Bu haqda “Peyk” radiosunun efirində
politoloq Aleksey Martınov deyib.
“Poroşenko Krımın itirilməsinə əvəz olaraq Dnestryanı ərazinin
Ukraynaya birləşdirilməsi imkanlarını istisna etmir. Əlbəttə, bu,
Ukrayna və Moldovanın münasibətlərini kəskinləşdirəcək, amma
Moldovanın fikri heç kəsi, həmçinin prosesin moderatorları
maraqlandırmır. Mən Amerika hərbçilərini nəzərdə tuturam”, -
Martınov bildirib.
Onun sözlərinə görə, Ukrayna artıq hücuma hazırdır.
Krım əvəzinə Dnestryanı? - Rusiya Kiyevin PLANINI AÇIQLADI
Rusiyanın Federal Təhlükəsizlik Xidməti terror
aktlarının törədilməsi, ictimai xadimlər və siyasətçilərin qətlləri
üçün Ukraynaya üç diversiya qrupunu göndərib. Ukrayna
Təhlükəsizlik Xidmətinin başçısı Vasiliy Qrisak bildirib ki,
strateji obyektlər və infrastrukturun məhvi, həmçinin
ictimai-siyasi xadimlərin qətli əsas hədəfdir.
Ukraynadan Rusiyaya TERROR İTTİHAMI: strateji obyektlərin məhvi... – Plan MƏXFİLİKDƏN ÇIXARILDI
Taliban Donald Trampa açıq məktub ünvanlayaraq ABŞ
ordusunun Əfqanıstandan tamamilə çıxarılmasını tələb
edib. Məlumata görə, Taliban göndərdiyi məktubda
ölkədə durmadan artan gərginliyi Əfqanıstanda xarici hərbi
kontingentin mövcudluğu ilə əlaqələndirib. Bundan əlavə Taliban
koalisiya qüvvələrini ölkəni dağıtmaqda ittiham edərək,
Əfqanıstanın təhlükəsizlik, iqtisadiyyat və hökumət idarəçiliyi
baxımından dəhşətli vəziyyətə salındığını bildirib.
Qeyd edək ki, ABŞ tərəfindən 2001-ci ildən Əfqanıstanda
“anti-terror” əməliyyatları aparılır.
İspaniyanın Barselona şəhərində avqustun 17-də
silsilə terror aktları törədilib. Terror aktına
səkkiz döyüşçüdən ibarət qrupun cəlb olunduğu ehtimal edilir.
Agentlik bu haqda məhkəmədəki mənbəyə istinadən xəbər verib.
Hakimiyyət güman edir ki, terrorçular qazla balonlarının tətbiqi
ilə hücumu planlaşdırırdılar.
Qeyd edək ki, dünən İspaniyada silsilə terror aktları
törədilib.
Barselona terroru haqqında yeni TƏFƏRRÜATLAR
Terror
On yeddi yaşlı Musa Ukabir İspaniyanın Barselona
şəhərində terror aktının törədilməsində əsas şübhəli
şəxsdir. “El Mundo” qəzeti qeyd edir ki, Musa
mikroavtobusu insanların üzərinə sürdükdən sonra cinayət yerindən
gizlənib. Qəzetin məlumatına görə, o, silahlı ola bilər.
Daha əvvəl Kataloniyanın hüquq-mühafizə orqanları terror aktını
törədən şəxsin silahlı olmadığını açıqlayıb.
İŞİD və “Ən-Nüsra” Cəbhəsi terror təşkilatlarının üç
minə qədər döyüşçüsü tezliklə Avropaya qayıda bilər.
Bu haqda İsveçrənin ATS agentliyi Avropa Komissiyası tərəfindən
yaradılan RAN (Radicalization Awareness Network) təşkilatının
məruzəsində istinadən yazıb.
“Avropa İttifaqına üzv ölkələrin əksəriyyəti döyüşçülərin
getdikcə sürətlənən qayıdışını gözləyirlər”, - agentlik məruzədən
sitat gətirib.
Sənəddə göstərilir ki, müxtəlif məlumatlara görə 1200-dən 3000-ə
qədər “müxtəlif mənşəli” avropalı Avropaya qayıdacaq.
Avropa terror meydanına çevriləcək: Üç min döyüşçü QAYIDIR