Xanımların qışa hazırlığı davam edir.
Metbuat.az bu dəfə böyürtkən mürəbbəsinin hazırlanma qaydasını təqdim edir:
Tərkibi:
1 kq böyürtkən
1 kq şəkər tozu
2 ədəd mixək
½ çay qaşığı təzə sıxılmış limon suyu
Qeyd: Mürəbbəni zədəsiz və təzə böyürtkənlərdən hazırlamağa diqqət edin. Meyvəni uzun müddət şəkər tozunda saxlayın. Dağılmaması üçün qarışdırmadan hazırlayın.
Hazırlanması:
Böyürtkənləri qaba töküb üzərinə şəkər tozu əlavə edin. Suyunun çıxması üçün ağzı bağlı qabda otaq temperaturunda 2 saat saxlayın. Daha sonra aşağı atəşdə 20-25 dəqiqə bişirin. Bişənə yaxın limon suyu və mixək əlavə edib 3-4 dəqiqə də bişirin. Ocaqdan aldığınız mürəbbəni soyuduqdan sonra şüşə qaba töküb ağzını bağlayın.
Nuş olsun!
Aysel Yaqubqızı / Metbuat.az
