Bakı. 25 sentyabr. REPORT.AZ/ Gürcüstan və Türkiyənin iki, Azərbaycanın bir helikopteri bu gün Borjomi bölgəsində yerləşən Tsaqveri kurort qəsəbəsi yaxınlığındakı meşə yanğınını söndürməyə başlayıb.
"Report" Gürcüstan KİV-inə istinadən xəbər verir ki, sentyabrın 22-də gündüz saatlarından meşə massivində başlayan yanğının çıxmasına brakonyerlik səbəb ola bilər. Hazırda yanğın 4 hektardan çox meşə massivini məhv edib.
Yanğının söndürülməsi prosesinə 250 yanğınsöndürən-xilasedici, eləcə də Gürcüstan Daxili İşlər Nazirliyinin Xüsusi İşlər Departamentinin 300 əməkdaşı və Milli Meşə Agentliyinin əməkdaşları cəlb olunub. Canlı qüvvə ilə birlikdə xüsusi texnika da səfərbər olunub: 18 yanğınsöndürmə maşını və 20-dək yüksəklik keçmə qabiliyyətli texnika.
Gürcüstanın regional inkişaf və infrastruktur naziri Zurab Alavidze deyib ki, hazırda yanğın ocaqları yoxdur və yanğın nəzarət altına alınıb.
