Bu gün səhər saatlarında "Xəzər" telekanalında yayımlanan verilişlərdən birinin qonağı olan Könül Kərimova-Cabbar Musayev cütlüyü maraqlı açıqlamaları ilə diqqət çəkib.
Milli.Az xəbər verir ki, verilişdə ekspert qismində iştirak edən prodüser Tolikin Cabbar Musayevə ünvanladığı "Könül Kərimova Namiq Qaraçuxurlu ilə duet oxuyanda qısqandınız?" sualına musiqiçinin cavabı mövzunun uzanmağına səbəb olub:
"Bunu neçə dəfələrlə televiziyada, mətbuatda demişik. Bu təklif gələndə mən böyük məmnuniyyətlə bəyəndim. Könül xanım əvvəl razı deyildi. Ancaq mən bu dueti istədim".
Könül Kərimova Cabbarın "Könül xanım əvvəl razı deyildi" ifadəsi ilə razılaşmayaraq, illər öncəki duet ortağı Namiqlə necə duet oxumağa qərar verdiyini izah edib:
"Belə bir az yaxşı çıxmadı. "Razı deyildi" yox. Sadəcə çətin idi. Fikirləşirdim ki, necə qəbul edəcəklər. Deyirdim birdən yaxşı qarşılamazlar. Fikirdən yaman günə qalmışdım. Cabbar dedi ki, yaxşı olacaq. mənə inan, güvən".
Məhəmməd Vaqif
Milli.Az
