Bakı. 17 oktyabr. REPORT.AZ/ Belarusun "Bellesbumrom" şirkəti Azərbaycana ixrac etdiyi məhsulların həcmini bu ilin yanvar-avqust aylarında 2,3 dəfə artırıb.
"Report"un BELTA-ya istinadən verdiyi məlumata görə, şirkət bu ilin 8 ayında ölkəyə 9,44 mln. dollar (ötən ilin analoji dövrünə görə 2,3 dəfə çox) həcmində məhsul göndərib.
İxrac mallarının 54%-ni taxta-şalban və faner, ağac-yonqar və ağac-lif qarışıqlı plitələr təşkil edib. Bundan başqa, şirkət Azərbaycana divar kağızı, mebel, kibrit, kağız, qapılar, karton, pəncərə və digər taxta məmulatlar da tədarük edib.
