Almaniyanın Xarici İşlər Naziri Ziqmar Qabriel ABŞ prezidenti Donald Trampı dünya miqyasında qeyri-sabitlik yaratmaqda ittiham edib.
Metbuat.az-ın məlumatına görə, o yerli telekanlların birində təşkil olunmuş dəyirmi masada bildirib ki, “Ağ ev” rəhbəri müvəqqəti anlaşmalara ikili siyasət yürüdür. “Biz elə bir şəraitdə yaşayırıq ki, nə “böyük 20-lik”, nə “böyük 7-lik” barədə danışa bilirik” deyən alman diplomat, hazırda iki nəhəng dövlətin dünya düzəni qurmağa çalışdığını bildirib.
Qabriel əlavə edib ki, Birləşmiş Ştatların xarici siyasəti 2-ci Dünya müharibəsindən sonra formalaşmış Amerika ənənələrinə uyğyn deyil:
“İndi xarici siyasət daxili maraqlardan asılıdır”.
Sübhan / METBUAT.az
