"Suriya üzrə Cenevrə danışıqlarında yekun nəticə əldə olunana qədər amerikalı hərbçilər bu ölkədən çıxmayacaq".
Metbuat.az-ın məlumatına görə, ABŞ-ın Müdafiə naziri Ceyms Mettis belə açıqlama verib. O bildirib ki, Cenevrə müzakirələrinin nəticələrinə uyğun olaraq, Vaşinqton Suriya ilə bağlı yeni yol xəritəsi hazırlayacaq.
Pentaqon rəhbərinin sözlərinə görə, böhranın siyasi həll yolu və ondan sonrakı proseslərin müəyyənləşdirilməsi BMT-nin himayəsindəki Cenevrə danışıqlarından keçir.
Sübhan / METBUAT.az
