Mövsümü olduğu üçün fərqli balıq yeməkləri hazırlaya bilərsiniz.
Metbuat.az balıq ləvəngisinin hazırlanma qaydasını təqdim edir.
Lazım olan ərzaqlar:
1 ədəd balıq
Yarım stəkan qoz
5 ədəd soğan
Balığın içindəki kürü
Zoğal əzməsi (turşusu)
Cəfəri
Duz, istiot
Hazırlanmasına gəldikdə, balığı təmizləyib duz-istiot vurun. Soğanı blenderdən keçirin. Suyunun tam çəkilməsi üçün tavada qovurun. Qozu da blenderdən keçirin. Daha sonra soğanı, qozu, kürünü, 1 və ya 1,5 xörək qaşığı zoğal əzməsini, duzu, istiotu və xırda doğranmış cəfərini bir-birinə qatıb qarışdırın. Hazırladığınız ləvəngini balığın içərisinə doldurub əvvəlcədən 180 dərəcə qızdırılmış sobada bişirin.
