Aparıcı Xoşqədəm Hidayətqızı şəxsi həyatından danışıb. Lent.az-ın məlumatına görə, aparıcı sosial şəbəkədə həyat yoldaşı Doğuş barədə paylaşım edib: “"Ailə” kəlməsini hərə bir cür anlayır. Ailə sevgi və hörmət deməkdir. Ailə çətin gündə də, xoş gündə də bir yerdə olmaq deməkdir. Bura müqəddəs bir ocaqdır. Ailə bir qaladır, ora kimsəni buraxmaq olmaz! Çünki ətrafımızda xoşbəxt olmayan, əri tərəfindən sevilməyənlər və ya o sevgini görməyənlər var. Təəssüf ki, belələrinin arasında “Mən xoşbəxt deyiləmsə, o niyə xoşbəxt olmalıdır?” deyib, şeytan düşüncələriylə daha bir ailənin bədbəxt olmasını istəyənlər var. Ona görə də, “ailə qaladır” deyimini əsas götürüb ora kimsəni buraxmayın…

Nə yaxşı ki həyatımızdasan, nə yaxşı ki əkizlərimin atasısan. Rəbbim səni ailəmizin üstündən əksik etməsin”.