Bakı. 23 yanvar. REPORT.AZ/ Azərbaycan milli komandasının sabiq futbolçusu Amit Quluzadə karyerasını Kosovonun “Drita” klubunda davam etdirəcək.
“Report” Qnilane təmsilçisinin rəsmi “facebook” səhifəsinə istinadən xəbər verir ki, 26 yaşlı yarımmüdafiəçi ilə müqavilə bağlanılıb. Lakin sözləşmənin detalları barədə məlumat verilmir. Kosovo Super Liqasında çıxış edən “Drita” 18 turdan sonra 30 xalla 3-cü pillədə qərarlaşıb.
Qeyd edək ki, Amit Quluzadə cari mövsümün ilk yarısını "Səbail”də keçirib və qış fasiləsində komandadan göndərilib. Orta sahə oyunçusu karyerası ərzində "Neftçi”, "Sumqayıt”, "Qəbələ”, "Rəvan”, eləcə də Türkiyənin "Kayseri Erciyesspor”, Portuqaliyanın "Atletiko” və Yunanıstanın AEL klublarının formasını geyinib.
