Azərbaycanda geniş yayılmış şirniyyat növlərindən biri halvadır.
Metbuat.az xəbər verir ki, halvanın müxtəlif növləri var. Onlardan biri də umac halvasıdır. Resepti təqdim edirik.
Lazım olan ərzaqlar:
1 kq un
1 çimdik duz
1 kq kərə yağı
Su
Şərbət üçün:
1 l su
800 q şəkər tozu
1 x/q sarıkök
Zövqə görə, darçın
Hazırlanmasına gəldikdə şərbəti bişirmək üçün 1 l suya 800 q şəkər tozu və 1 x/q sarıkök töküb qaynadın. Unun üzərinə su səpib əlinizlə ovxalayın, umac hazırlayın. Sonra onu sürtgəcin xırda gözündən keçirin. Ələyib ununu çıxarın, quru dəsmalın üzərinə sərib qurudun.
1 kq kərə yağını əridin, umacı qaynar yağın içərisinə töküb taxta qaşıqla tez-tez qarışdırın. Umac sarı-qızılı rəngə çalanda üzərinə qaynar şərbət tökün. Qarışdırıb altını söndürün. Bişən halvanı həm boşqaba yayıb üzünü naxışlaya, həmçinin paxlava kimi doğraya bilərsiniz.