Çinli mühəndislər daha bir layihə ilə dünya mediasını
fəth ediblər. Belə ki, hündürmərtəbəli binaların tikilməsində
işçilərin işlərini asanlaşdırmaq məqsədilə divardan asılan
platformalar yaradıblar.
Publika.az xəbər verir ki, “Dırmaşan div”
adlandırılan inşaat qurğusunun çəkisi 2 min ton təşkil edir və 12
hidravlik domkrat vasitəsilə binanın növbəti mərtəbəsinin tikintisi
sona çatdıqca hündürlüyə qalxan platforma şəklindədir. Sözügedən
qurğu 2 min ton ağırlığa davam gətirə bilir. İlkin məlumatlara
görə, qurğunun köməkliyi ilə 500 metr hündürlükdə sabit işləməyə
şərait yaradıla bilir.
Bildirilir ki, modernləşdirilmiş avadanlıq tikinti prosesinin müddətini 20-30 faizə qədər tezləşdirir. Hazırda qurğu Çinin Uxan vilayətində göydələnlərin inşası üçün istifadə olunur. Qurğunun köməkliyi ilə 119 mərtəbəli göydələnin inşası nəzərdə tutulub. Mühəndislər binanın cari ilin sonuna qədər tam şəkildə təhvil verəcəklərini bildiriblər.
Könül Cəfərli