Ərazilərin qaytarılması üçün PLAN, ermənilərin qorxduğu SSENARİ... – HƏFTƏNİN SİYASİ XÜLASƏSİ
Paylaş
251 baxış·17 dəq oxu
Aprelin 17-də Azərbaycanın Konstitusiya Məhkəməsi
prezident seçkilərinin nəticələrini təsdiqləyib. Aprelin 18-də
Azərbaycan Respublikasının Prezidenti İlham Əliyevin Milli Məclisdə
andiçmə mərasimi keçirilib. Serj Sərkisyan Ermənistanın yeni baş
naziri seçilib. Ermənistanın sabiq prezidenti Serj Sarkisyanın baş
nazir təyin edilməsinə qarşı keçirilən etiraz aksiyası ilə əlaqədar
paytaxt İrəvanda vəziyyət pisləşib. Rusiyanın Xarici İşlər
Nazirliyinin başçısı Sergey Lavrov Qərb-Rusiya münasibətlərini
“soyuq müharibə” dövründən daha mürəkkəb adlandırıb. Vladimir Putin
və Donald Tramp üçüncü ölkədə görüşə bilər. Kiyev Rusiyanı
Ukraynayla sərhəddə böyük hərbi güc saxlamaqda ittiham edib.
MKİ-nin sabiq direktoru Maykl Pompeo aprelin əvvəlində KXDR-yə
gizli səfər edib.
Azərbaycan, Dağlıq Qarabağ
Aprelin 17-də Azərbaycan Konstitusiya Məhkəməsi
prezident seçkilərinin nəticələrini təsdiqləyib.
Konstitusiya Məhkəməsi prezident seçkilərinin nəticələrini təsdiqlədi (YENİLƏNDİ)
Azərbaycan Respublikasının Prezidenti İlham Əliyevin
aprelin 18-də Milli Məclisdə andiçmə mərasimi
keçirilib.
Prezident İlham Əliyev and içdi (YENİLƏNİR)
Aprelin 21-də Milli Məclisin növbədənkənar plenar
iclasında Azərbaycan prezidenti tərəfindən Prezidentin xarici
siyasət məsələləri üzrə köməkçisi-şöbə müdiri Novruz Məmmədov baş
nazir seçilib.
Novruz Məmmədov baş nazir oldu (YENİLƏNDİ)
Rusiya Federasiyası Silahlı Qüvvələrinin Baş
Qərargah rəisi, müdafiə nazirinin birinci müavini Valeri Gerasimov
və NATO-nun Avropada Müttəfiq Qüvvələrinin Ali Baş Komandanı
(SACEUR) Körtis Skaparotti Bakıda görüşüb. Bu barədə
informasiyanı Rusiya Müdafiə Nazirliyi yayıb. Nazirlik görüşdə əsas
müzakirənin NATO və Rusiyanın Avropa regionundakı hərbi
fəaliyyətləri, tərəflər arasında etibarın artırılması və
insidentlərin qarşısının alınması olub.
Azərbaycan Respublikasının Prezidenti İlham Əliyev
aprelin 19-da Körtis Skaparotti və Valeri Gerasimovun rəhbərlik
etdiyi nümayəndə heyətlərini qəbul edib.
Prezident Gerasimov və Skaparotti ilə görüşdü - FOTO (YENİLƏNDİ)
“Global Firepower Index” (Hərbi Gücün Qlobal
İndeksi) beynəlxalq təşkilatı növbəti dəfə dünyanın ən güclü
ordularının reytinqini hazırlayıb. 136 ölkənin yer
aldığı siyahıda Azərbaycan ordusu 53-cü yeri tutub.
Cənubi Qafqazda Azərbaycana qonşu olan ölkələr – Gürcüstan və
Ermənistan yanaşı pillələrdə yerləşirlər. Gürcüstan 82, Ermənistan
isə 84-cü yerdədir.
Reytinqə ABŞ, Rusiya və Çin liderlik edir. İlk onluğu Hindistan,
Fransa, Böyük Britaniya, Cənubi Koreya, Yaponiya, Türkiyə və
Almaniya tamamlayır.
Belarusun Azərbaycana “Polonez” raket kompleksi
satması ilə bağlı xəbərlər yenidən gündəmə gəldi. “Kommersant”
nəşri Belarus Müdafiə Nazirliyindəki mənbələrə istinadən yazır ki,
“ilk ixrac müqaviləsinə əsasən sifarişçiyə 10 raket kompleksi
çatdırılacaq. Müqaviləyə dair hüquqi sənədlər final
mərhələsindədir, müştəri də “öz maliyyə məsələlərini həll edib başa
çatdırmaq üzrədir”. Mənbə sifarişçini açıqlamayıb, lakin Rusiya
müdafiə sənayesinin iki top-meneceri nəşrə müştərinin Azərbaycan
olduğunu bildirib.
Azərbaycanın “Polonez” raket kompleksi alması ilə bağlı məsələ
2016-cı ilin 28-29 noyabrında Belarus prezidenti Aleksandr
Lukaşenkonun Bakıya səfəri zamanı gündəmə gəlmişdi.
Bakının “Polonez” GEDİŞİ: Qarabağda savaş başlasa, rus “İskəndər”i Ermənistanı...
İrəvanda Sarkisyanın istefasını tələb edən
etirazların davam etdiyi bir vaxtda Ermənistan rəhbərliyi Bakının
addımlarını diqqətlə izləyir. Erməni siyasi şərhçi
Naira Ayrumyan Azərbaycanın Qarabağla bağlı hərəkətə keçdiyini
iddia edir və bunun Ermənistan üçün ciddi nəticələrə səbəb ola
biləcəyini yazır.
Əliyev Qarabağla bağlı bunu edəcək: Ermənistan üçün fəlakətli PLAN AÇIQLANDI
Ermənistan
Ermənistanda Serj Sarkisyanın baş nazir seçilməsinə
qarşı keçirilən etiraz aksiyaları ilə əlaqədar vəziyyət gərgin
olaraq qalır. “Mənim addımım” təşəbbüsünün lideri,
Vətəndaş müqaviləsi” Partiyasının lideri, “Yelk” parlament
fraksiyasının deputatı Nikol Paşinyanın rəhbərlik etdiyi
nümayişçilər Baqramyan prospektində Ermənistan baş naziri Serj
Sərkisyanın iqamətgahını və İrəvan meriyasının binasını mühasirəyə
alıblar.
Ermənistandakı qiyam rus ordusunun olduğu bölgəyə SIÇRADI - Meriya və XİN mühasirəyə ALINDI - CANLI YAYIM (YENİLƏNİR)
Serj Sarkisyanın baş nazir təyin edilməsinə qarşı
paytaxt İrəvanda keçirilən aksiyalarla əlaqədar vəziyyət aprelin
17-də daha da gərginləşib.
Ermənistanda dövlət idarələri qiyamçıların əlinə keçdi: 10-15 nəfərlik qruplar... - CANLI YAYIM (YENİLƏNİR) - FOTOLAR
Serj Sarkisyanın baş nazir seçilməsinə qarşı “Mənim
addımım” təşəbbüsünün lideri, Vətəndaş müqaviləsi” Partiyasının
lideri, “Yelk” parlament fraksiyasının deputatı Nikol Paşinyanın
rəhbərliyi ilə keçirilən etiraz aksiyası davam
edir.
Uşaqlara qarşı ŞOK HƏRƏKƏT - Sarkisyana qarşı üsyan Azərbaycan sərhədlərinə YAYILDI – CANLI YAYIM (YENİLƏNİR)
Ermənistanda baş nazir Serj Sarkisyana qarşı davam
edən aksiyaların lideri Nikol Paşinyan hakimiyyət qarşısında 4 şərt
irəli sürüb. Paşinyan Sarkisyanın istefasını müzakirə
etməyə hazır olduqlarını bildirib və şərtlərini açıqlayıb.
1. Serj Sarkisyan baş nazir vəzifəsindən istefa verir.
2. Xalqın namizədi baş nazir seçilir.
3. Müvəqqəti hökumət yaradılır.
4. Növbədənkənar parlament seçkiləri keçirilir.
“Ermənistanda qeyri-stabil vəziyyət davam etdikcə,
Qarabağda eskalasiya riski yüksəlir”. Bu barədə
rusiyalı hərbi ekspert Aleksandr Perendjiyev Ermənistanda
müxalifətin aksiyasını şərh edərkən deyib.
Bir neçə saata hər şey həll olunacaq, Qarabağda müharibə başlaya bilər - Rusiyadan SENSASİYALI AÇIQLAMA
Ermənistan diasporu Serj Sarkisyana müharibə elan
etdi. Erməni siyasi şərhçi Tevos Arşakyan
Ermənistanda hakimiyyətin vəziyyətinin ağırlaşdığını yazır.
İrəvana MÜHARİBƏ ELAN EDİLDİ: əsas dayağını itirən Sarkisyanı gözləyən 3 BÖYÜK TƏHLÜKƏ
Serj Sərkisyanın Ermənistanın yeni baş naziri
seçilib. Parlamentdə keçirilən səsvermədə 77 deputat
onun lehinə, 17-si isə əleyhinə səs verib.
Səsvermədən əvvəl Serj Sarkisyan Ermənistan
parlamentində deputatların suallarına cavab
verib.
Sarkisyan baş nazir seçilmək üçün üzünü Azərbaycana tutdu - CANLI YAYIM
“Aprel müharibəsi bizim üçün gözlənilməz
idi”. Bu barədə Serj Sarkisyan Ermənistan
parlamentinin baş nazirin seçilməsi ilə bağlı bu gün keçirilən
iclasında çıxışı zamanı deyib.
O, aprel müharibəsinin Ermənistan üçün böyük dərs olduğunu
vurğulayıb.
“Bu, Azərbaycanın Qarabağı azad etmək üçün güc variantına əl
atmaqdan çəkinməyəcəyini göstərdi. Bununla yanaşı, biz ordunun zəif
olduğunu da gördük. Ordunu gücləndirməliyik”, - deyə Sarkisyan
etiraf edib.
Serj Sərkisyan deyib ki, miqrasiya Ermənistanın
ağrılı yarasıdır. “Emiqrasiya təkcə Ermənistana aid
deyil. Sadəcə olaraq, biz azıq və buna görə çox ağrılıdır. Digər
tərəfdən, bizim potensialımız öz sərhədlərimizin təhlükəsizliyini
təmin edə bilməyəcəyimiz səviyyəyə qədər azala bilər. Miqrasiyanın
qarşısını bütün vətəndaşlarımızın rifah şəraitində yaşamasını təmin
edəcək səviyyəyə çata bilmədiyimizə görə ala bilmirik”, – deyə o
bildirib.
Türkiyə, İran, Yaxın Şərq
Türkiyədə növbədənkənar prezident seçkiləri
keçiriləcək. Bu haqda ölkə prezident Rəcəb Tayyib
Ərdoğan Dövlət Baxçalı ilə görüşdən sonra bildirib. O, seçkilərin
2018-ci il iyunun 24-də keçiriləcəyini açıqlayıb.Müxalif
Milliyyətçi Hərəkat Partiyasının (MHP) lideri Dövlət Bahçeli
Türkiyədə növbədənkənar prezident və parlament seçkilərinin
keçirilməsini təklif etmişdi.
Seçkilərin 2019-cu il noyabrın 3-də keçirilməsi
planlaşdırılırdı.
Türkiyə və Rusiya arasında Suriya böhranı ilə
əlaqəli hərbi müqavilələr narahatlıq yaradır. Bu
sözləri ABŞ Dövlət Departamentinin sözçüsü Vess Mitçel
söyləyib.
Mitçel onu da qeyd edib ki, Türkiyə Rusiyadan S-400 raket
əleyhinə müdafiə sistemləri alarsa, Ankaraya sanksiya tətbiq
ediləcək.
S-400 raket sisteminin NATO-ya uyğun olmaması barədə
Türkiyə ilə danışıqlar aparırıq. Bu sözləri Pentaqon
sözçüsü Dana Vayt Türkiyəyə sanksiya tətbiq olunması iddiaları ilə
bağlı ona ünvanlanmış suala cavab olaraq deyib.
“Amma son nəticədə türklər öz strateji maraqlarına uyğun qərar
verəcəklər. Yəni bu prosesin sonunu rəsmi Ankara müəyyən edəcək”, -
Vayt bildirib.
Rusiya S-400 zenit-raket komplekslərinin Türkiyəyə
çatdırılması ilə bağlı ABŞ-ın mövqeyi Ankaraya qarşı
şantajdır. Bu haqda Rusiyanın Xarici İşlər
Nazirliyinin başçısı Sergey Lavrov bildirib.
“Cənab Mitçell bildirib ki, S-400-ləri alarsa, Ankara
sanksiyaların altına düşə bilər. Bu, şantaj cəhdidir və Amerika
şirkətləri üçün vicdansız rəqabəti təmin etmək məqsədi daşıyır”, -
o deyib.
Lavrovun sözlərinə görə, NATO-nun baş katibi Yens Stoltenberq bu
günlərdə bildirib ki, S-400-lərin alınması haqqında qərar
Türkiyənin milli qərarıdır. Rusiya xarici siyasət idarəsinin
başçısı qeyd edib ki, ABŞ NATO-nun üzvü kimi kollektiv fikrə qulaq
asmalıdır.
Türkiyənin Rusiyadan S-400 zenit raketlərini almaq
haqqı var. Bunu jurnalistlərə açıqlamasında NATO Baş
katibi Yens Stoltenberq deyib. Onun sözlərinə görə, silah satışı və
alışı bir ölkənin verəcəyi qərardır. O, Türkiyənin həmçinin ABŞ-dan
Patriot sistemlərinin alışı ilə bağlı danışıqları davam etdirdiyini
bildirib.
Egey dənizində bir qrup yunanın qayalıqlara Yunan
bayrağını sancması Ankara-Afina xəttində gərginliyi
artırıb. Bundan xəbər tutan SAT komandoları yunan
bayraqlarını qaldıraraq oradan ayrılıblar.
Hadisəyə şərh verən Baş nazir Binali Yıldırım Yunanıstana lazımi
cavab verməyə hazır olduqlarını bildirib.
Yunanıstana növbəti xəbərdarlıq türkiyənin xarici işlər naziri
Mövlud Çavuşoğludan gəlib. Afinaya sərt xəbərdarlıq edən nazir
“əsgərlərimizin əlindən bir qəza çıxa bilər” deyib.
Yunanlar türk adalarına BAYRAQ SANCDI: komandolar HƏRƏKƏTƏ KEÇDİ - DƏHŞƏTLİ MÜHARİBƏ
Türkiyə Dəniz Donanması Bəşər Əsədin Suriyadakı
hücumlarına qarşılıq vermək bəhanəsilə Aralıq dənizinin şərqinə
yerləşməyə çalışan ABŞ, İngiltərə və Fransa donanması, həmçinin
təxribatlarını artıranYunanıstana qarşı əhəmiyyətli bir addım
atıb.Türkiyə 2 sualtı və 12 müharibə gəmisini bölgəyə
göndərib, dənizdəki aktivlik 7 gün, 24 saat nəzarətə alınıb.
Aprel ayı ərzində 27 müharibə gəmisi ilə Qara dənizdə “Dəniz
Ulduzu -2018” təlimlərini icra edən donanma eyni zamanda, Ege və
Aralıq dənizində 14 müharibə gəmisi ilə təlim üçün səfərə çıxıb.
Donanma həm də NATO-nun Atlantik və Hind okeanında, Şimal dənizində
keçirdiyi təlimlərə və qatıldığı hərbi əməliyyatlara da yaxından
kömək edir.
“Suriyanın hökumət güclərinə qarşı keçirilən
əməliyyat Rusiya və İrana açıq bir mesaj idi”. Bu
haqda NATO-nun baş katibi Yens Stoltenberq Türkiyəyə səfər
edib.
“Əməliyyat Rusiya və İrana açıq mesaj idi və beynəlxalq
ictimaiyyətin kənarda səssiz qalmayacağını göstərdi. Bu, kimyəvi
silahların potensialını azaltmaq üçün keçirilən bir əməliyyat idi.
Rusiya kimyəvi silah tətbiqi ilə bağlı istintaqa maneə törətdi”, -
o bildirib.
Hərbi alyansın rəhbəri NATO-nun Rusiya ilə siyasi danışıqlara
qarşı olmadığını deyib.
Xatırladaq ki, parelin 14-də ABŞ, İngiltərə və Fransa Suriyaya
100-dən çox qanadlı raket atıb. Rusiya Baş qərargahının məlumatına
görə, bunlardan 71-i zərərsizləşdirilib. Raket zərbələri aprelin
7-də Suriyanın Duma şəhərində kimyəvi silahın tətbiqinə cavab
olub.
Rusiya bundan sonra Suriya qarşı gerçəkləşdiriləcək
hər hansı hücuma sərt cavab verəcək. Bu sözlər Rusiya
Xarici İşlər Nazirliyinin növbəti bəyanatında səsləndirilib.
Moskvanın hədəsinə baxmayaraq, aprelin 16-də
Suriyanın hərbi aerodromuna raket zərbələri
endirilib. SANA agentliyinin məlumatında deyilirdi
ki, Suriyanın Hava Hücumundan Müdafiə Qüvvələri Şayrat hərbi
aerodromuna raket zərbələrini dəf ediblər. Agentliyin məlumatına
görə, suriyalı zenitçilər bir neçə hədəfi məhv edə biliblər. Suriya
ordusunun Hava Hücumundan Müdafiə qüvvələri Homs vilayətindəki
Şayrat aerodromu ilə yanaşı, Dəməşqdən 50 kilometr şimaldakı
Dumeyrdəki hərbi bazaya endirilmiş raket zərbələrini də dəf
edib.
Bu barədə "Al Ekhbariya" telestansiyasına respublikanın Hərbi
Qüvvələrindəki mənbə bildirib. Məlumata görə, Suriya zenitçiləri
Şayrat ətrafında 6, Dumeyrəyə uçan daha 3 raketi vurublar. "Al
Masdar" portalının məlumatına görə, hərbi bazalara İsrailin Hərbi
Hava Qüvvələri Livanın səmasından hücum ediblər. Lakin bu məlumat
hələlik Dəməşq tərəfindən rəsmən təsdiqlənməyib.
ABŞ-ın prezidenti Donald Trampın administrasiyası
ölkənin şimal-şərqində vəziyyətin sabitləşməsi üçün Amerika hərbi
kontingentini ərəb ölkələrindən olan hərbi qulluqçularla əvəz
etməyi planlaşdırır. Bu haqda Amerika məmurlarına
istinadən “Wall Street Journal” qəzeti bildirib.
Nəşrin mənbələrinin məlumatına görə, ABŞ prezidentinin milli
təhlükəsizliyi üzrə məsləhətçi Con Bolton yaxın vaxtlarda Misirin
Ümumi Kəşfiyyat Xidmətinin başçısının vəzifələrini icra edən
general Abbas Kamelə zəng edib və Qahirənin sözügedən planın
reallaşdırılmasında kömək göstərib-göstərməyəcəyi ilə
maraqlanıb.
ABŞ bu ölkələri müharibə meydanına atır – Trampın şok planı ORTAYA ÇIXDI
ABŞ hökuməti Suriyada işğal altında saxladığı Fərat
çayının şərqindəki bölgədə BƏƏ və Səudiyyə Ərəbistanının maddi
dəstək verəcəyi bir ordu yerləşdirmək niyyətindədir.
Plana görə, Misir ordusu da bu orduya dəstək verəcək.
Suriyadakı əsgərlərini geri çəkəcəyini açıqlayan ABŞ-ın bu
qərarının arxasında yatan gizli planları bir-bir gün üzünə çıxır.
ABŞ Müdafiə Nazirliyinin (Pentaqon) fevral ayında Konqresə təklif
etdiyi 2019-cu il büdcə planında PKK/PYD terror təşkilatı üçün
tələb etdiyi 300 milyon dollarlıq yardım tələbinin detallarının
bilinməsindən sonra ABŞ-ın Şərqdə yeni ordu quracağı məlum
olub.
ABŞ-dan XAİN PLAN - Üç ölkə Türkiyə ilə SAVAŞA GÖNDƏRİLİR
Şimaldan Aralıq dənizinə çıxma planı Afrində çökən
ABŞ cənubdan yeni dəhliz açmağı planlaşdırır. Aprelin 14-də
Suriyanın bombardman edilməsi də bu planın ilk addımı kimi
görünür. Bu haqda ABŞ, İngiltərə və Fransanın
Suriyanın hökumət güclərinə aid obyektləri vurmasını şərh edən
suriyalı mütəxəssislər “Yeni Şəfəq” nəşrinə açıqlamasında
bildiriblər.
Araşdırmaçı Nasir Hüso hesab edir ki, Hasekedə həbs olunan
PKK-Qərb koalisiyası “B planı”nı həyata keçirməklə məşğuldur və
yeni hədəf Əl-Bukemaldan (Fərat çayının sahilində, Suriya-İraq
sərhədində yerləşir –red.) Tedmura (Xümsün cənubunda yerləşir
–red.) qədər uzanan cənub dəhlizini yaratmaqdır.
Kərkükdən başlayıb Lazkiye-Aralıq dənizinə qədər uzanan dəhliz
layihəsinin “Fərat Qalxanı” və “Zeytin budağı” hərəkatları ilə
pozulduğunu deyən mütəxəssis bununla belə, Qərb ittifaqının dəhliz
xəyalından vaz keçmədiyini qeyd edib.
ABŞ-ın “B planı” və “Suud Neom Proyekti” – Suriya bombardmanının ŞOK PƏRDƏARXASI
Rəsmi Tehran İsrailin ötən həftə iranlı hərbçilərin
ölümünə səbəb olan Suriyadakı hərbi bazaya etdiyi hücuma qarşılıq
verəcək. Bu iddia ilə Livanın Hizbullaha yaxın
nəşrlərindən sayılan “Əl-Əxbar” çıxış edib. Nəşr İranın qarşılıq
vermək üçün çox gözləməyəcəyini, Fələstin və ətrafında İsrailə
qarşı hər hansı bir əməliyyatın planladığını yazıb.
Nəşrin redaktoru İbrahim Əl-Aminin sözlərinə görə, İran bunu
edərkən heç bir müttəfiqə ehtiyac duymayacaq və etdikdən sonra da
bunu gizlətməyəcək.
Xatırladaq ki, İsrailin Suriyanın T-4 hərbi bazasını bombardman
etmişdi.
Kimyəvi Silahların Qadağan edilməsi Təşkilatının
ekspertləri Şərqi Qutada kimyəvi hücumla bağlı həqiqətlərin
araşdırılması üçün sakit şəkildə işə başlaya
bilərlər. Bu barədə aprelin 18-də Federasiya
Şurasının vitse-spikeri Andrey Turçak deyib.
Onun sözlərinə görə, hazırda ərazidə ekspertlərin sakit şəkildə
iş aparması üçün bütün şərtlər təmin olunub.
Qeyd edək ki, ABŞ daha əvvəl Rusiya və Suriyanı təşkilatın
ekspertlərini kimyəvi hücumun həyata keçirildiyi iddia olunan
əraziyə buraxmamaqda ittiham edirdi.
Suriyanın paytaxtı Dəməşqin şəhərətrafında yerləşən
Quta-Duma bölgəsində aprelin 7-də istifadə olunan bombanın
parçaları “Fərat Qalxanı” bölgəsinə gətirilib.
Suriyanın müvəqqəti hökumətinin baş naziri Cavad Əbu Hatab kimyəvi
kapsulla təchiz edilən bombanın hissələrini araşdırılması üçün
türkiyəli səlahiyyətlilərə verməyə hazır olduqlarını bildirib.
Kimyəvi hücumun edildiyi iddiası təsdiqlənərsə, bu, ABŞ-ın
Suriyaya yeni zərbələri üçün zəmin yarada və nəticədə, Rusiya ilə
qarşıdurma vəziyyətinin yaranmasına gətirib çıxara bilər.
Bu dəlil III Dünya müharibəsini BAŞLADACAQ – TÜRKİYƏYƏ GƏTİRİLİR
İran Suriyadan çıxmasa, onunla müharibə qaçılmaz
olacaq. Bunu “Yediot Ahronot” qəzetinə müsahibəsində
ehtiyatda olan general Yakov Amidror deyib. Onun sözlərinə görə,
Livandan sonra Suriyada da İranın təsirini artırması İsraili artıq
narahat edir:
“Biz Tehranın Suriyada təsirini genişlətməsinə imkan
verməyəcəyik. Belə olacağı təqdirdə aramızdakı savaş qaçılmaz
olacaq. Bu savaşda hər iki tərəf böyük itkilər verəcək. İran ən
yaxşı hərbi texnikasını Suriyaya gətirir. Bu isə Əsədi müdafiə üçün
edilmir”.
Rusiya, ABŞ, Qərb-Rusiya münasibətləri
“Rusiya və Qərbin münasibətləri “soyuq müharibə”
dövründə olduğundan indi daha pisdir”. Bu haqda
Rusiyanın Xarici İşlər Nazirliyinin başçısı Sergey Lavrov BBC
telekanalına müsahibəsində bildirib.
“Düşünürəm ki, münasibətlər “soyuq müharibə” dövründə olduğundan
daha pisdir. Çünki, “soyuq müharibə” dövründə kommunikasiya
kanalları var idi, rusofobiya yox idi”, - Lavrov deyib.
Suriyada kimyəvi silahın istifadəsinə aid Fransa, Böyük
Britaniya və ABŞ-ın əsaslandığı sübutlara gəlincə, onun sözlərinə
görə, bu ölkələr KİV-in və sosial şəbəkələrin xəbərlərinə istinadə
ediblər.
“Aprelin 7-də Duma şəhərində kimyəvi silahdan istifadəyə dair
sübutlar yoxdur”, - Lavrov əlavə edib.
ABŞ-ın Federal Təhqiqatlar Bürosu (FTB) və Böyük
Britaniyanın Milli Təhlükəsizlik Nazirliyinin Kibertəhlükəsizlik
üzrə Milli Mərkəzi (NCSC) birgə bəyanat dərc edib.
Bəyanatda Rusiya hakimiyyəti kiberaktivlik nümayiş etdirməkdə
ittiham edilir.
Bəyanata görə, Rusiya hakerlərinin əsas hədəfi hər şeydən əvvəl,
hökumət və şəxsi təşkilatlar, kritik əhəmiyyətli infrastrukturlar
və internet-xidmətlərinin təchizatlarıdır. Xüsusi halda, qeyd
edilir ki, kiberhücumlar bütün dünyada şəbəkə infrastruktur
qurğularına edilir.
ABŞ və Böyük Britaniyadan SOS: “Rusiya bütün dünyaya...”
Rusiya Qərbin Suriyaya zərbə endirməsindən sonra
cavab həmləsi olaraq növbəti kiberhücuma hazırlaşır.
ABŞ və Britaniyada bir sıra rəsmi şəxslər Rusiyanın kiberhücuma
hazırlaşdığını, dövlət qurumları, hətta fərdi evlərə qədər bir çox
kritik nöqtəyə hücum təşkil olunacağını açıqlayıb.
Rus hakerlərin bütün dünyada milyonlarla kompüterə giriş əldə
etməyi planlaşdırdığı, ruter (yönləndirici), açar və təhlükəsizlik
sədlərini aşaraq sistemləri müdafiəsiz qoymağa çalışdığı
bildirilir. Rusiyanın sadəcə sistemləri iflic etmək üçün deyil,
eyni zamanda yaxın gələcəkdə təşkil olunacaq hücumlar üçün
kompüterləri “zombi”yə çevirdiyi və həmin hücum zamanı bu
kompüterlərdən də istifadə edəcəyi qeyd olunur.
"Böyük yeddilik" ölkələri Rusiyanı "Skripal işi"
üzrə məsuliyyət daşımağa çağırıblar. Bu barədə Kanada
xarici işlər nazirinin yaydığı bəyanatda bildirilir.
"Biz Böyük Britaniyanın qiymətləndirmələrini bölüşürük və onunla
razılaşırıq: - çox ehtimal ki, Rusiya bu hücuma görə məsuliyyət
daşıyır və bunun ehtimal olunan alternativ izahatı yoxdur", - deyə
bəyanatda bildirilir.
G7 ölkələri həmçinin bildiriblər ki, qaydalara əsaslanaraq,
Rusiyanı beynəlxalq sistemə qaytarmaq üçün bu ölkə ilə əməkdaşlıq
edəcəklər.
Rusiyanın Baş Kəşfiyyat İdarəsinin sabiq polkovniki Sergey
Skripal və qızı Yuliya martın 4-də Solsberidə zəhərləniblər. Böyük
Britaniyanın baş naziri Tereza Mey Rusiyanı onların zəhərlənməsində
ittiham edib və Sergey və Yuliyaya bu ölkədə hazırlanmış zəhərlə
qəsd edildiyini bildirib.
Yuliya Skripal artıq özünə gəlib. Sergey Skripalın da səhhəti
yaxşılaşmaqdadır. O, kritik vəziyyətdən çıxıb.
Rusiya və ABŞ prezidentləri - Vladimir Putin və
Donald Tramp ehtiyac yaranacağı halda, üçüncü ölkədə görüşə
bilər. Bu haqda Rusiyadakı diplomatik mənbə
“RİA-Novosti” agentliyinə bildirib.
Agentliyin həmsöhbətinin sözlərinə görə, liderlərin görüşünün
heç bir konkret planı yoxdur. Martın sonunda Tramp Putinlə telefon
söhbəti zamanı bildirib ki, problemli sualların sayı onların şəxsi
görüşünə ehtiyacı diktə edir. Ağ Evdən bildiriblər ki, Amerika
lideri danışıqların keçirilməsi üçün bir neçə mümkün yer təklif
edib.
Ötən həftə Rusiya prezidentinin mətbuat katibi Dmitri Peskov
bildirib ki, hələlik görüş haqqında hər hansı dəqiq razılıq
yoxdur.
ABŞ Suriyaya görə Moskva barəsində yeni sanksiyaları
tətbiq etmək fikrindən daşınıb. Bu haqda “İnterfaks”
agentliyi Xarici İşlər Nazirliyindəki mənbəyə istinadən
bildirib.
Mənbələrə görə, ABŞ hakimiyyəti Vaşinqtondakı səfirlik
vasitəsilə Rusiya tərəfinə bu barədə xəbərdarlıq edib.
ABŞ-dan Rusiya barəsində yeni QƏRAR
Rusiya prezidenti Vladimir Putin Amerika lideri
Donald Trampla görüşə hazırdır. Bu haqda Rusiyanın
Xarici İşlər Nazirliyinin başçısı Sergey Lavrov bildirib.
“Prezident Putin belə görüşə hazırdır”, - agentlik Lavrovdan
sitat gətirib.
“Putin Trampla görüşə hazırdır, amma…” – Moskvadan CAVAB
Rusiya prezidenti Vladimir Putin və onun amerikalı
həmkarı Donald Tramp iki ölkə arasında hərbi qarşıdurmaya yüz faiz
imkan verməyəcəklər. Bunu Rusiyanın xarici işlər
naziri Sergey Lavrov bildirib.
“Hərbi qarşıdurmanın riskləri haqqında məsələyə gəlincə, yüz
faiz əminəm ki, hərbçilər buna imkan verməyəcəklər. Və əlbəttə ki,
prezident Putin, nə də prezident Tramp buna icazə verməyəcək. Onlar
öz xalqları tərəfindən seçib və sülh üçün öz xalqları qarşısında
cavab verirlər”, - o deyib.
Lavrov bildirib ki, Moskva Suriyaya zərbələrdən əvvəl Vaşinqtona
"qırmızı xət"lər barədə xəbərdarlıq etmişdi: "Rusiyanın Silahlı
Qüvvələrinin Baş qərargahının müdiri Valeri Gerasimov aydın şəkildə
dedi ki, koalisiyanın hansısa döyüş hərəkətləri Rusiyanın hərbi
qulluqçularına zərər vurarsa, onda biz sərt olacağıq və aydın cavab
verəcəyik. Həm də yalnız raketlər deyil, daşıyıcıları da qanuni
hədəfimiz olacaqdı. Bu, aydın və birmənalı şəkildə deyilmişdi".
ABŞ-ın kosmosda hərbi hökmranlıq istəyi bütün
bəşəriyyəti risk altında qoyur. Bu sözləri Rusiyanın
Xarici İşlər naziri Sergey Lavrov deyib.
“Onlarda təkcə kosmosda deyil, hər yerdə dominantlıq etmək qəbul
olunub və bu onların doktrina sənədlərində yazılmışdır. Odur ki,
burada qəribə heç bir şey yoxdur. Lakin təkrar edirəm, bu məntiqin
kosmik müstəviyə köçürülməsi bütün bəşəriyyət üçün çox ciddi risk
olacaq”, - Lavrov bildirib.
Ukrayna
Rusiya Ukraynayla sərhəddə öz qoşunlarını
gücləndirir və Ukraynanın sərhədlərində böyük müharibəyə hazır
Rusiya qoşunu dayanır. Bu haqda Ukraynanın Müdafiə və
Təhlükəsizlik Şurasının katibi Aleksandr Turçinov təhlükəsizlik
üzrə 11-ci Kiyev forumunda danışıb.
Payızda genişmiqyaslı müharibə BAŞLAYACAQ: 260 minlik ordu HAZIRDIR
Ukrayna ilə ABŞ rəsmiləri Krım və Donbasın Kiyevin
nəzarətinə qaytarılması planını müzakirə ediblər.
Plan Ukraynanın daxili işlər naziri Arsen Avakovla ABŞ-ın dövlət
katibinin müavini Uess Mitçelin görüşündə müzakirə olunub.
Tərəflər planın həyata keçirilməsi istiqamətində atılacaq
addımlar barədə fikirlərini ifadə ediblər. Görüşdə həmçinin, Krım
və Donbasda təhlükə yaradan mövcud mütəşəkkil cinayətkarlıq, eləcə
də kriminal qruplaşmalara qarşı mübarizə yolları barədə fikir
mübadiləsi aparıblar.
Koreya
ABŞ-ın dövlət katibi postuna namizəd və Mərkəzi
Kəşfiyyat İdarəsinin (MKİ) sabiq direktoru Maykl Pompeo aprelin
əvvəlində Şimali Koreya lideri Kim Çen Inla görüşmək üçün Koreya
Xalq Demokratik Respublikasına (KXDR) gizli səfər
edib. Bu haqda iki məlumatlı mənbəyə istinadən
“Vaşinqton Post” qəzeti bildirib.
Tramp kəşfiyyat şefini gizli səfərə göndərdi – DETALLAR
Donald Tramp Pompeonun Kim Çeni Inla görüşdüyünü
təsdiq edib. “Mayk Pompeo keçən həftə Kim Çen Inla
görüşdü. Görüş çox yaxşı keçdi, yaxşı münasibətlər yarandı.
Sammitin detalları işlənilir. Denuklearizasiya dünya üçün, həmçinin
Şimali Koreya üçün böyük nailiyyət olacaq”, - Tramp Tvitterdə
yazıb.