Türkiyə Futbol Federasiyası (TFF) 2024 Avropa Çempionatına ev sahibliyi etmək üçün namizədliyini rəsmi şəkildə UEFA-ya təqdim edib.
Publika.az xəbər verir ki, namizədlik müraciəti UEFA-nın İsveçrənin Nyon şəhərində yerləşən qərargahında TFF-in prezidenti İldırım Dəmirörən tərəfindən ali futbol qurumunun baş katibi Teodor Teodoridisə verilib.
Rəsmi namizədlik müraciətini 2 mart 2017-ci il tarixində elan edən Türkiyənin dosyesində 2024 Avropa Çempionatına namizədlik təklifinin bütün detalları, hökumət təminatları və dəstək məktubları, iş kitabı ilə bağlı əlavə bilgilər yer alıb. UEFA AVRO 2024-ə ev sahibliyi edəcək ölkə 27 sentyabr 2018-ci ildə keçiriləcək UEFA idarə heyətinin toplantısında açıqlanacaq.
Qeyd edək ki, Türkiyədən əvvəl Almaniya 27 mart 2018-ci il tarixində öz namizdəliyini UEAF-ya təqdim edib.
Zümrüd
