“WhatsApp” messencerində videozəng funksiyası istifadəyə veriləcək

“WhatsApp” messencerində videozəng funksiyası istifadəyə veriləcək
09:46 12 Yanvar 2015
Ölkə mətbuatı
A- A+

“WhatsApp” messencerinin istifadəçiləri uzun müddətdir  səsli zəng funksiyasının reallaşmasını gözləyirlər. Ötən il şirkətin direktoru Yan Koum bildirmişdi ki, sözügedən funksiya 2015-ci ilin birinci rübündə işıq üzü görəcək. Bundan başqa, digər bir yenilik də gözlənilir.

Belə ki, “Maktechblog” resursu yazır ki, “WhatsApp” tərtibatçıları tətbiqdə videozəng reallaşdırmağı planlaşdırırlar. Messencerin daxili kodu buna sübutdur.

 
 

 
"ICTnews" elektron xəbər xidməti “macdigger.ru” saytına istinadən bildirir ki, “iPhone” üçün son “WhatsApp” quraşdırmasında tərtibatçılar proqramda “Skype” vasitəsilə videozəng funksiyasının yaranması imkanını bildirən "Call via Skype" parametrini aşkar ediblər. Ötən il “Facebook” tərəfindən 19 milyard dollara satın alınmış xidmətin tərtibatçıları şərh verməkdən imtina ediblər.
 
Messencerin populyarlığı getdikcə artır. Ötən ilin avqustunda “WhatsApp” messencerinin aktiv istifadəçilərinin sayı 600 milyon olub.  O vaxtdan etibarən bu göstərici artaraq 700 milyon təşkil edir.
 
Xidmətin direktorunun məlumatına əsasən, əlavənin istifadəçiləri hər gün 30 milyarddan çox mesaj göndərirlər ki, bu da planetin hər bir sakininə dörddən çox mesajın düşməsi deməkdir.
 
Emil Hüseynov

RƏYLƏR

BU KATEQORİYADAN DİGƏR XƏBƏRLƏR