ABŞ prezidenti Donald Tramp Çinə 500 milyard dollar dəyərində gömrük vergisi qoya bilər.
Publika.az xəbər verir ki, o bunu CNBC kanalına verdiyi müsahibədə söyləyib.
Prezident ABŞ-la Çin arasında getdikcə gərginləşən ticarət əlaqələrindən danışıb:
"Çinə qarşı gömrük vergilərinin 500 milyard dollara qaldırılmasına hazıram. Bunu siyasət üçün etmirəm. Bunu ölkəmizin gələcəyi və doğru olduğu üçün edirəm. Uzun zamandır Çin tərəfindən aldadılırıq. Onların qorxmasını istəmirəm. Onların vəziyyətinin yaxşı olmasını istəyirəm. Çinin dövlət başçısını bəyənirəm, ancaq iki ölkə arasındakı ticari əlaqələrin bu günə qədər ədalətli olmadığını düşünürəm".
