Nə qədər ehtiyatlı davransaq da, bəzən telefonlarımız əlimizdən düşə bilir. Bu zaman onları təmir edib yenidən işlədə bilirik. Ancaq suya düşən telefonu işlətmək çox zaman mümkün olmur. Bəs telefon suya düşərsə, onu işlək vəziyyətə gətirməyin üsulları varmı?
Metbuat.az xarici KİV-ə istinadla bildirir ki, suya düşən telefonu dərhal çıxarmaq lazımdır. Çıxartdıqdan sonra telefonunuzu söndürün. Həmin anda telefon açıq olsa, qısaqapanma ola bilər. Telefonunuz şarja taxılı halda suya düşübsə, çıxarmağa çalışmayın. Elektrik cərəyanı vurmaması üçün professional birini çağırmalısınız.
Sudan çıxardığınız telefonu dərhal dəsmalla silin. Telefonda qalacaq bir damcı su qısaqanmaya səbəb ola bilər. Əgər telefonun batareyası çıxırsa, dərhal çıxarın. Telefonun sudan zərər görüb-görmədiyini anlamaq üçün batareyanın olduğu yerə yaxın hissəni nəzərədən keçirin. Orada qırmızı xəttli və ya xətsiz ağ kvadrat və ya dairə olmalıdır. Əgər bura çəhrayı və qırmızı rəngdədirsə, deməli telefon zərər görüb.
Əgər suyu telefonun içindən soraraq çıxarmaq istəsəniz, tozsoran istifadə edə bilərsiniz. 20 dəqiqə ərzində suyun içində qalmamış telefonu tamamilə quruda bilər və 30 dəqiqə ərzində işlək vəziyyətə gətirə bilərsiniz. Tozsoranı telefona çox yaxın tutmayın.
Telefonun nəmini təmizləmək üçün içi düyü ilə dolu plastik qaba qoya bilərsiniz. Telefonu qabdan çıxarıb dəsmalın üzərinə qoyun. 24 saat və ya lazım olduğu qədər saxladıqdan sonra telefonun hər yerinin təmiz və quru olduğunu yoxlayın. Telefonu açın və gələn səslərə nəzarət edin.
Qurumağına rəğmən telefon açılmırsa, batareya olmadan şarja taxın. Əgər bu vəziyyətdə işləyirsə, batareyaya ehtiyacınız ola bilər.
Bütün proseslərdən sonra telefon işləməsə, ustaya göstərin.
Aysel Yaqubqızı / Metbuat.az
