"Neftçi"nin yarımmüdafiəçisi Mamadu Kane 23 yaşadək futbolçulardan ibarət Qvineya milli komandasının heyətində növbəti oyununu keçirib.
Milli.Az qol.az-a istinadən xəbər verir ki, 22 yaşlı futbolçu U-23 Afrika Millətlər Kuboku çərçivəsində Seneqal yığması ilə keçirilən ev matçında iştirak edib. Kanenin 90 dəqiqə meydanda olduğu görüş qvineyalıların 2:1 hesablı qələbəsi ilə nəticələnib.
Qeyd edək ki, bu komandalar arasında cavab oyunu martın 24-də keçiriləcək.
Milli.Az
