Gürcüstanın Acarıstan Muxtar Respublikasının paytaxtı Batumi şəhərində kütləvi məzarlıq aşkar olunub.
“Report”un Gürcüstan bürosunun verdiyi xəbərə görə, bu barədə Batumi və Lazeti Yeparxiyası məlumat yayıb.
Məzarlıq 3 saylı hərbi bazanın yaxınlığında, hava limanının bir neçə kilometrliyində tapılıb. Həmin ərazini Gürcüstanın Müdafiə Nazirliyi Patriarxlığın müvəqqəti istifadəsinə verib.
Məzarlıqda, təxminən, 150 insanın dəfn olunduğu 4 qəbir yerləşir. Qəbirlərdə nizamsız və hörmətsiz basdırılmış qalıqların 1937-1938-ci illərdə bolşevik repressiyaları zamanı güllələnən insanlara aid olduğu ehtimal olunur. Ekspertlər qalıqların türk hərbçilərinə məxsus olduqlarını istisna etmirlər.
Məzarlıqda aşkar olunmuş insan qalıqları aprelin 21-də hərbi bazanın ərazisində yeni qəbirlərdə basdırılacaq.
![](/images/report/images_d/1161173_0.jpg)
![](/images/report/images_d/1161173_1.jpg)
![](/images/report/images_d/1161173_2.jpg)
![](/images/report/images_d/1161173_3.jpg)
![](/images/report/images_d/1161173_4.jpg)
![](/images/report/images_d/1161173_5.jpg)
![](/images/report/images_d/1161173_6.jpg)