Zərdabda qanlı hadisə baş verib.
Lent.az-ın məlumatına görə, rayonun Otmanoba kənd sakini, 1988-ci il təvəllüdlü Bəşarət Qasımov bıçaqlanıb.
Yaralı dərhal xəstəxanaya çatdırılıb. Həkimlərin səyi nəticəsində onun həyatını xilas etmək mümkün olub.
Araşdırmalar zamanı məlum olub ki, Bəşarət Qasımovu Kürdəmir rayon sakini, 1996-ci il təvəllüdlü Elçin Qədirov kürəyindən bıçaqlayıb.
Bildirilir ki, Elçin Qədirov Bəşarət Qasımovu onun sahibi olduğu mağazanın qarşısında aralarında yaranan mübahisə zəminində bıçaqlayıb.
Faktla bağlı Cinayət Məcəlləsinin 126.1-ci ,(qəsdən sağlamlığa ağır zərər vurma) maddəsi ilə cinayət işi başlanıb. 22 yaşlı Elçin Qədirov saxlanılıb.
