Azərbaycan millisi seçmə mərhələdəki ilk matçını 9 oyunçu ilə tamamlayıb və 6 qol buraxıb

Azərbaycan millisi seçmə mərhələdəki ilk matçını 9 oyunçu ilə tamamlayıb və 6 qol buraxıb
18:12 17 Oktyabr 2019
69 Digər
Ölkə mətbuatı
A- A+

17 yaşadək qızlardan ibarət Azərbaycan millisi 2020-ci il Avropa çempionatının seçmə mərhələsində ilk oyununu keçirib.
"Report"un məlumatına görə, Zamir Həsənovun baş məşqçisi olduğu komanda sloveniyalı həmyaşıdları ilə üz-üzə gəlib. Qarşılaşma Azərbaycan yığmasının 0:6 hesablı məğlubiyyəti ilə bitib. 
Sloveniyanın heyətində ilk 3 qolu Manka Suhoversnik vurub. Hücumçu 13,19 və 20-ci dəqiqələrdə fərqlənib. 78-ci dəqiqədə Nina Kajzba penaltini dəqiq yerinə yetirib. 86-cı dəqiqədə Selma Sabotiç fərqi 5 topa çatdırıb. 89-cu dəqiqədə isə Nina Mele son nöqtəni qoyub. 
Azərbaycan yığmasının heyətində Milana Rəhimova 44-cü, Aysun Muradova isə 45+4-cü dəqiqədə qırmızı vərəqə alıb. Sloveniyada isə Selma Sabotiç 45+2-ci dəqiqədə penaltidən yararlana bilməyib. 
Qeyd edək ki, U-17 oktyabrın 20-də Norveçlə, oktyabrın 23-də isə meydan sahibi Farer adaları ilə qarşılaşacaq. V qrupun oyunları Torshavn şəhərində keçirilir.

Xəbərin orijinal ünvanı: https://report.az/futbol/azerbaycan-millisi-secme-merheledeki-ilk-matcinda-meglub-olub

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR