Azərbaycanlı model Günay Musayeva İstanbul kafelərinin birində aktyorluq dərsi aldığı müəllimini gözləyərkən jurnalistlərlə rastlaşıb.
Axşam.az-ın Türkiyə mediasına istinadən xəbərinə görə, aktyor Tolga Karellə evli olan Günay boşanacağı haqda suallara elə cavab verib:
"Bu mövzu haqqında danışmaq istəmirəm. Ayrı evlərdə yaşadığımız doğrudur. Mən Maslakda yaşayıram. Oğlum Cahangirlə belə daha xoşbəxtəm. Allah hər kəsin yolunu açıq etsin".
Qeyd edək ki, "Kod Adı K.O.Z." adlı filmlə tamaşaçı qarşısına çıxmağa hazırlaşan modelin həyat yoldaşı ilə boşanacağı barədə xəbərlər bir müddətdir gündəmdədir.
