[ 17 Yanvar 2015 02:29 ]
APA-nın cənub bürosunun məlumatına görə, tədbir iştirakçıları əvvəlcə 20 Yanvar faciəsi qurbanlarının və torpaqlarımızın müdafiəsi zamanı şəhid olmuş biləsuvarlı igidlərin xatirəsi şərəfinə ucaldılmış abidə kompleksini ziyarət edərək, önünə gül-çiçək dəstələri düzüblər.
Anım mərasimi daha sonra YAP Biləsuvar rayon təşkilatının akt zalında davam etdirilib. Tədbirdə Biləsuvar Rayon İcra Hakimiyyəti başçısının müavini X. Qəmbərova, Rayon Qadınlar şürasının sədri X.Ağayeva, YAP Biləsuvar rayon təşkilatı Qadınlar şurasının sədri L.Yüzbaşova, Əlil Qadınlar cəmiyyətinin sədri F.Mahmudova çıxış edərək 20 Yanvar faciəsinə münasibətlərini bildiriblər.
Qeyd olunub ki, həmin faciəli günlərdə öz ölkəsinin, xalqının azadlığı, şərəf və ləyaqətini hər şeydən uca tutan 130 nəfərdən yuxarı mərd Vətən övladları canlarından keçərək şəhidlik zirvəsinə ucalıblar. Onların sırasında Biləsuvar rayonundan Baba Xammədov və Əlimərdan Hüseynov da olub.
