Narkotik vasitələri və pisxotrop maddəni gizlədərək ölkəyə keçirməyə cəhd etdi

Narkotik vasitələri və pisxotrop maddəni gizlədərək ölkəyə keçirməyə cəhd etdi
18:50 30 Dekabr 2019
64 Digər
Ölkə mətbuatı
A- A+

Bakı. Trend:

Cənub Ərazi Baş Gömrük İdarəsinin Biləsuvar gömrük postunda İran İslam Respublikasından gələn Azərbaycan Respublikasının vətəndaşı gömrük nəzarətindən keçən zaman özünü şübhəli apardığına görə saxlanılıb və sorğu sual olunub.

Dövlət Gömrük Komitəsindən Trend-ə verilən məlumata görə, şifahi sorğu sual zamanı gömrük nəzarətindən gizlədilmiş və gömrük nəzarətinə mütləq bəyan olunası hər hansı predmetin, o cümlədən narkotik vasitələrin, psixotrop maddələrin olmadığını bildirilib.

Şəxsi yoxlama zamanı əynində olan qara rəngli gödəkçənin içəri sol qoltuq cibindən, gömrük nəzarətinə bəyan olunmayan 2 ədəd "Oksimetolon" adlıhəb və cins şalvarının bel kəməri bağlanan yerin astarının altından qara rəngli rezinlərə bükülərək yerləşdirilmiş 2,385 qram olannarkotik vasitə-heroin,3,881qram psixotrop maddə-metamfetamin, ümumilikdə 48 ədədüzərində "Z" nişanəsi olan metadon adlı həblər aşkarlanıb.

Xatırladaq ki, metamfetamin "Azərbaycan Respublikasının ərazisində dövriyyəsi qadağan edilən psixotrop maddələrin I Siyahısı",metadon "Azərbaycan Respublikasının ərazisində dövriyyəsi məhdudlaşdırılan narkotik vasitələrin II Siyahısı"na, oksimetolonisə "Güclü təsir edən maddələrin Siyahısı"na daxildir.

Faktla bağlı araşdırma aparılır.

Trend-in ən mühüm və maraqlı xəbərlərini "Telegram"da izləyin


Xəbərin orijinal ünvanı: https://az.trend.az/azerbaijan/gundem/3171766.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR