Liviyada qiyamçı general Xəlifə Haftarın paytaxt Tripoliyə hücumundan sonra Liviya Milli Barışıq Hökuməti atəşkəs müzakirələrini dayandırıb.
Publika.az xəbər verir ki, LMBH-nin Səhiyyə Nazirliyi Haftar qüvvələrinin Tripoli limanına təşkil etdiyi hücum zamanı 3 dinc sakinin öldüyünü, 5-nin yaralandığını açıqlayıb.
Haftar ordusu ötən gün baş tutan 2 raketli hücum zamanı Türkiyəyə məxsus gəmini vurduğunu iddia edib.
Lakin bu iddia Türkiyə Prezidentinin mətbuat katibi İbrahim Kalın tərəfindən təkzib olunub: “Zərbə uğursuz oldu, dərhal cavab verildi. Bizim cavab atəşimizdən sonra vəziyyət stabilləşib”.