"Barselona"nın baş məşqçisi Enrike Setyen Çempionlar Liqasının qalibi olmaq və İspaniya La Liqasının qızıl medallarını qazanmaq istəyindən danışıb.
Milli.Az goal.az-a istinadən xəbər verir ki, Kataloniya klubun çalışdırıcısı belə deyib:
"Futbolçularıma deyirəm ki, tələsirəm, uduzmağa vaxtım yoxdu. Buna görə Çempionlar Liqasında və Primyerada çempionluq sevinci yaşamaq istəyirəm. Hər iki turniri zəfərlə başa vursaq, əla olar. Əlbəttə, ÇL-in kuboku ilə öz otlağımda gəzmək və onu inəklərimə göstərmək istəyirəm".
Qeyd edək ki, "Barselona" bu mövsüm ÇL-də F qrupunda yer alıb. Kataloniya təmsilçisi qrupdakı mübarizəni lider mövqeyində başa vuraraq pley-offa yüksəlib. İlk oyun fevralın 25-də "Napoli" ilə İtaliyada keçirilib və 1:1 hesabı ilə yekunlaşıb.
Milli.Az
