Cənubi Koreyalı müğənni və aktyor Li Ci Han Seulda izdihamda əzilərək ölüb.
Metbuat.az xarici KİV-ə istinadən xəbər verir ki, 24 yaşlı müğənni 30 oktyabr Cənubi Koreyanın paytaxtı Seulda keçirilən Hellouin şənlikləri zamanı baş verən dəhşətli insidentin çoxsaylı qurbanlarından biri olub.
Aktyor və müğənni kimi fəaliyyət göstərən Li "Produce 101" musiqi yarışmasında məşhurlaşıb. Onun idarəedici şirkəti olan "935 Entertainment"dən verilən açıqlamada müğənninin ölümü təsdiqlənib.
Qeyd edək ki, şənbə günü bayram qeyd etmək üçün küçələrə çoxsaylı insanların axını nəticəsində baş verən İteyvon izdihamında 154 nəfər ölüb, 80 nəfər yaralanıb.
