Səudiyyə Ərəbistanının “Əl-Nassr” komandasında çıxış edən Kriştiano Ronaldonun “Əl-Hilal”la matçda rəqibinə müdaxiləsi müzakirələrə səbəb olub.
Metbuat.az xəbər verir ki, matçın 56-cı dəqiqəsində meydançanın mərkəzində yaşanan mübarizə zamanı Ronaldo rəqibini sərt şəkildə yerə yıxıb. Matçın baş hakimi Maykl Oliver isə portuqaliyalı ulduza sarı vərəqə göstərib.“Əl-Hilal”ın futbolçuları hakimin qərarına etiraz ediblər.
Onlar Ronaldoya qırmızı vərəqə göstərilməsini tələb ediblər.
Qeyd edək ki, "Əl-Hilal" Odion İqalonun qolları ilə 2:0 hesabı ilə qalib gəlib.