Səudiyyə Ərəbistanının “Əl-Nəssr” komandası ilə bağlı diqqətçəkən iddia irəli sürülüb.
Metbuat.az xəbər verir ki, UEFA-nın Səudiyyə Ərəbistanı klubunu Çempionlar Liqasına dəvət edəcəyi iddia edilir. “Abu Dhabi Sports”un məlumatına görə, UEFA Kriştiano Ronaldo, Anderson Taliska, Sadio Mane və Marselo Brozoviç kimi ulduzları olan "Əl-Nəssr"in Çempionlar Liqasında oynamasında maraqlıdır.
Qeyd edək ki, UEFA prezidenti Aleksander Çeferin daha əvvəl verdiyi açıqlamada Səudiyyə Ərəbistanı komandalarının Çempionlar Liqası kimi turnirlərdə iştirak etməyəcəyini bəyan etmişdi.
