x
Loading...

"Övladlarıma bunu açıqlaya bilmirəm" - Emin

"Övladlarıma bunu açıqlaya bilmirəm" -  Emin
10:06 10 Avqust 2015
Ölkə mətbuatı
A- A+

Müğənni-bəstəkar Emin Rusiyanın “Hello” dərgisinin avqust buraxılışının əsas qonağı olub.

Axşam.az-ın məlumatına görə, jurnal üçün fotosessiya və müsahibə Bakıda aparılıb.

Məqalədə “Emin fotosessiyanı və çox danışmağı xoşlamır. O, quru, amma səmimi cavablar verir” deyə, bildirilib.

Emin övladları ilə bağlı sualları cavablandırıb:

“Oğullarıma nə üçün tez-tez getdiyimi açıqlaya bilmirəm. Mən heç işləməyə, bütün günü onlarla otura bilmərəm. İş və övladlarımla keçirdiyim vaxtı tənzimləməyə çalışıram. Ona görə də, tez-tez təyyarəyə minib, Londona gedirəm. Və yaxud da Moskvaya uçur, işlərlə bağlı müzakirələr aparıram”.

Ağalarov bütün günü işdə oturan, darıxdırıcı robot kimi insan deyil. O, cipi ilə dənizkənarında gəzməyi, dostları ilə görüşüb, müzakirələr aparmağı, mahnı oxumağı da sevir. Emin işin həyatının bir hissəsi olduğunu vurğulayıb:

“İşsiz tez darıxıram. Rola girməyi sevmirəm. Bu da mənə atamdan keçib. Uşaqlığımdan bir səhnəni həmişə xatırlayıram: bir gün atam məni, anamı və bacımı hava limanına aparırıdı. Yol kənarında təmir gedirdi. Atam bilmədən ora dəydi və dağıldı. Dayanıb yolda işləyənlərdən üzr istədi. Onlar isə təhqir etməyə başladı. Atam düşüb, dalaşdı. Anam onu sakitləşdirməyə çalışırdı. Birini döydü, əli sındı. Əgər haqlısansa, hər bir şəraitdə qalib olacaqsan. Atam hər zaman mənim idealım olub. O heç vaxt “Oğlum, səni çox istəyirəm”, “Səninlə fəxr edirəm” sözlərini işlətməsə də, bilirəm ki, onla yaxşı dostuq”.







Xəbərin orijinal ünvanı: http://axsam.az/site/?name=xeber&news_id=35009

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

RƏYLƏR

BU KATEQORİYADAN DİGƏR XƏBƏRLƏR