Bakı, 4 dekabr, AZƏRTAC
Dekabrın 6-da Almaniyanın Bakıdakı səfirliyinin dəstəyi və TI Alman-Mədəniyyət İctimai Birliyinin təşkilatçılığı ilə Alman Lüter Kilsəsində Milad bayramı konserti keçiriləcək. Konsertdən sonra isə “Kapellhaus”da Milad bazarı təşkil olunacaq.
Alman-Mədəniyyət İctimai Birliyindən AZƏRTAC-a bildirilib ki, Milad bazarına gələnləri müxtəlif şirniyyatlar, içkilər, əl işləri, kitablar, audiodisklər, habelə hədiyyələr qazanmaq imkanı yaradan oyunlar gözləyir.
